رد ناري من زوجة تامر عاشور: هي مش حرب مع أبو بنتي ومقولتش غير الحقيقة

نشرت الزوجة الأولى للمطرب تامر عاشور سمر أبو شقرة منشورًا مطولًا، عبر حسابه الرسمي بموقع الصور انستجرام، تتحدث عن تامر عاشور وعن علاقتهما بعد انفصالهما.
وكتبت: "أنا وتامر هنفضل نحترم بعض لأن في بينا عشرة وفي بينا بنتنا أيام، اللي هتفضل رابط بينا طول العمر.. واللي أهم ليا أنها إن شاء الله تكبر متلاقيش أي حاجة تضايقها وتلاقي كل هدوء.. الموضوع لا ترند ولا شو ولا أي حاجة غير حقيقة وحاجة بتحصل كل يوم بس بيحصل اللي حاصل لما يبقي حد مشهور.. أحنا آه منفصلين (مش مطلقين) (ولا اطلقنا).. ومرينا بمشاكل زي أي ناس طبيعية".
وتابعت: "اتفقنا أو اختلفنا بتحصل يعني وبغض النظر عن مين غلط في حق مين وإزاي.. ولكن مهما حصل مفيش حد هيقبل أن يحصل تجريح للتاني في اللي جاي.. أنا رديت على أسئلة الأستورى بعفوية وبطريقتي اللي عمرها ما هتتغير وعاااااادي جدا بس للأسف في مواقع حطت عناوين غلط علشان تشد وتزود التفاعل عندها وخلاص.. وعلى فكرة كلامي كان واضح وبسيط و موجود لحد دلوقتي مشلتوش على بروفايلي هنا".
وأضافت: "ومقولتش أي حاجة غير الحقيقة اللي حصلت ببساطة وكان ظاهر منها 80 % أو أكتر من غير أي شرح.. ومنعا للمهاترات هي مش حرب مع ابو بنتي ولا عمرها هتكون.. والمفروض اننا نتفق بكل هدوء على الطلاق إنه يتم خلال الفترة الجايه.. واللي أكيد بعد ما يحصل مش هينقص من احترامي ليه أو احترامه ليا وهنفضل أصدقاء تجمعنا " أيام" اللي هتفضل أهم من أي حد وأي حدث".
واختتم رسالتها: "بس نبقي بنتجنب الضغوطات والمشاكل اللي ايا كان سببها موجود أو انتهي بلا رجعة.. اتمني الموضوع يتقفل ومشوفش أي حاجة تضايقني.. واللي بيحبوني دعوة حلوة وشكرا لكل الحب و الدعم اللي بشوفه".

View this post on Instagram

A post shared by samar samir (@samarabosho2a)