هند صبرى: اتخطبت مرتين واتجوزت اللى بيضحكنى

تصدرت الفنانة هند صبري مؤشرات البحث المختلفة فى جوجل بعد تصريحاتها الجريئة وكشف أسرار من حياتها الشخصية والفنية وحديثها عن خطوباتها وزواجها.
وقالت: "اتخطبت مرتين قبل زوجي والخطوبة الأولي باسل الخياط والثانية المنتج محمد حفظي ولكن مكنش فيه نصيب يكللوا بالزواج".
وأكدت خلال لقائها ببرنامج "السيرة" الذي تقدمه الإعلامية وفاء الكيلاني بقناة "دي ام سي": "مكنتش عايزة ارتبط بحد يخنقني ويكبتني أو يخليني أشيل المسئولية لأني نجمة والحمد لله لقيت المعادلة بتاعتي في زوجي أحمد الشريف والعلاقة بينا بدأت صداقة حب، ولما طلبني للزواج وافقت لأنه كان بيضحكني وانا نادر لما أضحك واستلطفته، ومش أي خفة دم تضحكني فهو شدني ليه وكمان لقيت فيه حاجات مناسبة، والحب الأعمي مش بيودي في حتة، وحبيته بعد لما استلطفته ولقيت فيه الحاجات المناسبة".
وتابعت هند صبري: "لما وافقت على الزواج من زوجي قلت له إنى اتخطبت مرتين ومش حابة أكرر الخطوبات الفاشلة، وإحنا دلوقتي متجوزين بقالنا 13 سنة وفيه تفاهم واحترام مابينا".
وأكملت: "حبي لزوجي دلوقتي زاد بعد الزواج، لأنه مبني على مواقف عشناها وحاجات حصلت لنا مش لطيفة وشوفت معدنه فيها وهو أيضا، وأنا إنسانة عقلانية جدا، وأوحش ما في الجواز الروتين".
وأضافت هند صبري:"اتذكر أنني دخلت عالم السينما وكان عمري 13 عاما، وأول يوم تصوير ليا كنت مرعوبة، والعاملون فى السينما لديهم نوع من الانفتاح، وقتها خفت أشتكى لأمى عشان متقوليش اقعدى فى البيت".
وأشارت:"عندما وجدت أنظار الناس تتجه لى رفضت أنوثتى وبدأت ألبس زى الرجالة، حتى فى حياتى الشخصية أنا مش أنثى، ومش بحب حد يركز مع أنوثتى، وأول ما جيت مصر الناس قالوا مين البنت اللى جاية تعمل المشاهد الساخنة دى، وده كان فرق كبير بين مجتمعى فى تونس ومصر، وكان وقتها انتشر مصطلح السينما النظيفة، وكان لازم أراجع نفسى عشان مكنتش عارفة الفرق بين المجتمعين".
ويواصل النجمان هند صبري وهاني عادل تصوير أحداث دورهما في مسلسل" البحث عن علا" الذي يعتبر امتدادا للجزء الثاني من مسلسل "عايزة أتجوز"، ويظهر الفنان هاني عادل خلال أحداث العمل في شخصية طليق علا التي تلعب دورها الفنانة هند صبري.
يشارك في بطولة المسلسل عددًا من النجوم من: بينهم سوسن بدر، هاني عادل، ندى موسى، محمود الليثي، وداليا شوقي، ويضم المسلسل ظهورا خاصا لعدد من النجوم من بينهم النجم الكبير خالد النبوي وغيره من النجوم.