إيمان السيد عن إهانة السبكي وطرد الزعيم لها:"أنا زهقت ياريت الناس تبطل تأليف"

أعربت الفنانة إيمان السيد عن حزنها الشديد، واستيائها بسبب بعض الأخبار المغلوطة التي يتم تداولها عنها وعن مشوارها الفني.
وكتبت إيمان عبر حسابها على موقع التواصل الاجتماعي "فيس بوك" قائلة: "أنا زهقت من الخبر اللي بينزل بقالوا كذا سنة ويتم إعادة نشره كتير وخصوصاً الفترة دي، العنوان كله غير صحيح، العنوان بيقول (رفضوها في المعهد بسبب شكلها وأهانها السبكي وعادل إمام وقف التصوير بسببها)".
اقرأ أيضاً
* بالفيديو.. آخر ظهور لرجاء الجداوي في فيلم "توأم روحي"
* "الملك" يعيد محمد إمام إلى السباق الرمضاني من جديد..اعرف التفاصيل
* عاجل.. تصريحات خطيرة لمتحدث جيش الاحتلال عن الزعيم عادل إمام
* "بالإسترليني"..اعرف سعر ساعة محمد عادل إمام التي أثارت الجدل
* أبو البنات.. محمد إمام يرزق بمولودته الثانية ويطلق عليها "قسمت"
* رحيله هز الوسط الفنى والزعيم صديق عمره.. "الموجز" تحتفى بذكري وفاة الشرير أبو دم خفيف مصطفي متولي
* شهيرة تبكي على محمود ياسين "حالته مالهاش علاج"..أسرار ال7 أعوام من حياة فتى الشاشة على فراش المرض
* إيمان السيد تكشف كواليس تعاقدها على "صاحب المقام"
* حكاية قارئ القرآن في "معالي الوزير" وتفاصيل خلافه مع الزعيم بسبب "الواد سيد الشغال"..معلومات لا تعرفها عن الفنان أحمد عقل
* يتصدرهم الزعيم والهضبة والأسطورة.. "بالدولار".. تعرف على ثروات نجوم الفن في مصر
* سجن ثلاث مرات لأسباب سياسية وتعاطي المخدرات والزعيم هو صديق عمره..حكايات من حياة الراحل سعيد صالح
* عادل إمام يهنىء الأمة الإسلامية بمناسبة عيد الأضحى المبارك
وأكملت: "أولاً.. ما فيش حاجة اسمها رفضوها في المعهد بسبب شكلها، أنا لما قدمت في المعهد أول ما اتخرجت من الجامعة، ناس (من خارج المعهد) نصحوني إن من الأفضل يكون معايا واسطة، وأنا ما عملتش كدا، وكنت في السنة اللي اتخرجت فيها من الجامعة واخدة ممثلة أولى، على مستوى الجامعة، وممثلة أولى على مستوى الجمهورية، (على مستوى جامعات مصر، مسرح جامعة عين شمس)، ورُحت قدمت في المعهد وما اختارونيش وممكن يكون لأسباب تانية كتير".
وتابعت إيمان السيد: "ثانياً.. الجزء الخاص ب أحمد السبكي، اللي حصل إننا كنا في التصوير والكلمة اللي قالها كان بيقولها وهو بيهزر، بس أنا ما تقبلتش الهزار وسيبت التصوير ومشيت، ولا حصل مشادة ولا (أهانها) ولا حاجة من دي، (الكلام دا من 4 سنين) وبعدها بعتلي في أكتر من عمل، واعتذاري عن الأعمال دي كان بسبب إني مش شايفة نفسي في الدور أو العمل نفسه، لحد ما اشتغلت معاه (صاحب المقام)".
وأضافت : "ثالثا.. عادل إمام ما وقفش التصوير بسببي خالص، ومن أول يوم تصوير مشاهدي كانت بتتاخد من أول تيك، وماكنتش متوترة ولا جو فيلم (معبودة الجماهير دا، وقولي يا أستاذة سهير، وبمناسبة زهايمر من ألطف الكواليس وعادل إمام من أول يوم بروفات قالي قدام الكاست كله أنتِ أول واحدة اختارتها لما قريت السيناريو ومش بيقول لي لغاية دلوقتي غير (ياشربات) ربنا يدي له الصحة، والسبب اللي ممكن أعيد التصوير عشانه هو إني أضحك وأبوظ الشوت، دمتم بخير وياريت الناس تبطل تألف في حياة بعض".
الجدير بالذكر أن إيمان السيد شاركت في رمضان الماضي بمسلسل "ونحب تاني ليه".