ليلى علوي في تصريح صادم : مفيش بنت ماتعرضتش للتحرش

قامت الفنانة ليلى علوي بالتعليق على أزمة التحرش الجنسي بالمرأة، والتي أثيرت مؤخرًا على مواقع التواصل الاجتماعي، في ظل مطالب مستمرة للفتيات بضرورة الإبلاغ عن ما يتعرضن له من اعتداءات جنسية.
نشرت ليلى صورة لها من فيلم "المغتصبون"، عبر حسابها على موقع الصور الشهير "انستجرام"، وعلقت :"مفيش بنت ماتعرضتش للتحرش جملة تتردد كتير اليومين دول وسط الحوادث المؤسفة اللي بنعيشها وبنسمع عنها، جملة صادمة ومرعبة ومن المخيف إن الشواهد بتقول إنها حقيقة، عشان كده لازم نقف عندها، وكل بنت وست تفكر وتقرر إنه مش من حق أي حد أيا كان إنه يخترق خصوصيتها ويقتحم مساحة هي ماسمحتش بيها، لا لفظا ولا فعلا ولا بأي شكل من الأشكال، لأن السماح بأي تجاوز غلط، وممكن يتطور لما هو أسوأ".
أكملت: "لما عملت فيلم المغتصبون سنة 1989 المستوحي مع الأسف عن قصة حقيقية هزت المجتمع كله وقتها قصة فتاة المعادي عشت التجربة القاسية دي من خلال الشخصية وحسيت بإحساس كل بنت اتعرضت لانتهاك بشع وكنت ومازلت مساندة لبطلة الفيلم "صفاء كامل" اللي قدرت تاخد حقها وتعلن عن اللي اتعرضتله مهما كانت الظروف، ووقتها وصلت عقوبة المغتصبين للإعدام".
وتابعت ليلى علوي :"ومن يومها ولحد النهارده ودلوقتي بالذات وأنا بدعو كل بنت اتعرضت التحرش من أي نوع إنها تتكلم وترفض وتاخد حقها الكامل بالقانون، علشان تقدر تكمل حياتها وعلشان تمنع الأذى عن بنات تانية ممكن يتعرضوا للي هي اتعرضتله وأدعو كل بنت خايفة أو قلقانة أو مش عارفة الطريق الصحيح إنها تتواصل مع المجلس القومي للمرأة على رقم 15115 وهتلاقي كل الدعم سواء نفسي أو قانوني أو استشارة تحتاجها من أي نوع".
اقرأ أيضاً
* عبدالله رشدي ردًا على مهاجميه من الفنانات: الفنانة أولى بالاحتشام والبعد عن الخلاعة
* بعد اتهامه بالتحريض على التحرش تميم يونس يرد: سأقاضي الجميع
* البحوث الإسلامية: التحرش من أسوأ أنواع الفحش
* "وصلت للبوس"..نجوم يكشفون حكايتهم مع التحرش
* بعد اتهامه بالتحرش.. ما لا تعرفونه عن "تميم يونس" الذي يهدد حرية المرأة
* بعد قصتها مع التحرش.. ياسمين غيث حاربت السرطان والسمنة ودخلت التمثيل صدفة
* لا تسقط بالتقادم .. ما لا تعرفه عن عقوبة جريمة التحرش الجنسى
* بالفيديو..مايان السيد تكشف تعرضها للتحرش داخل الوسط الفني..اعرف التفاصيل
* بالفيديو.. كيف رد «علي جمعة» علي تكرار حوادث التحرش من 3 سنوات؟
* عاجل.. تورط رانيا يوسف في "قضية خطيرة" بعد تعرضها للتحرش الجنسي
* الأزهر للفتوي الإلكترونية يطرح 9 اجراءات لمنع التحرش .. تعرف عليها
* من 9 بنود.. روشتة الأزهر للقضاء على ظاهرة التحرش الجنسي