تامر حسني: "نجاح فيلم الفلوس بهذا الشكل أكبر من أحلامي"

أعرب الفنان تامر حسني، علي سعادته البالغة بالنجاح الكبير الذي حققه فيلمه الجديد "الفلوس" الذي يعرض حالياً في السينمات حيث حقق إيرادات وصلت ل 35 مليون جنية داخل مصر، وما يقارب ال 230 مليون جنيه فى الدول العربية.
حيث كتب قائلاً: "الحمد لله فرحان جداً بتصدر فيلم الفلوس بالشكل دا فى مصر والوطن العربى وتوزيعه عالمياً هذه الأيام، اللى مفرحنى أكتر ان الفيلم نزل في أيام عادية مش موسم أفلام ولا إجازات بالعكس هو نزل مع فترة امتحانات وكان معاه أفلام عالمية زي فروزين 2 وچومانچي للعالمي ذا روك، والحمد لله فيلم الفلوس تخطى كل الأفلام دى فى مصر والوطن العربى وحقق رقم جديد فى حياتى الفنية". وأضاف حسني: "رغم أنه نوع جديد عليا وممكن يكون غير متوقع مني وكانت مجازفة كبيرة مني أني أعمل نوع زي دا وعارف أن في ناس كانت متوقعة أني أقدم نفس اللى قدمته قبل كدا بس أنا أكيد مش بكرر نفسي، وبحاول ديماً تطوير نفسي والتغيير مطلوب جداً لإن التكرار عمره قصير ولازم أحاول أخاطب كل الأذواق وأقدم مختلف الأشكال على مدار رحلتى في السينما".
وأختتم حديثه: "فرحان جداً أن فيلم الفلوس بيتوزع دلوقتي عالمياً من خلال شركة ceema entertainment اللى بتقدم أفلامى للعالم بشكرهم جداً وأن إيراد فيلمي دولياً و هو فيلم عربي يوصل للرقم دا ويتوزع للعالم وسط الأفلام الأجنبية ويحقق إيرادات بهذا الحجم بصراحة شىء أكبر من أحلامى بس أنا بجتهد وربنا بيكرم على قد الاجتهاد الحمد لله".