كريم فهمى يتغزل فى زوجته بكلمات رومانسية: "الجندى المجهول فى حياتى"

وجه الفنان كريم فهمى، رسالة شكر إلى زوجته من خلال صورة رومانسية تجمعهما نشرها عبر صفحته الرسمية بموقع تبادل الصور الشهير "إنستجرام".
وعلق فهمى على الصورة قائلاً: "شكراً حبيبتى على تعبك معايا.. شكراً على تحملك ليا وأنا بشتغل وأنا بكتب كل فيلم جديد، شكراً على اهتمامك بقراءة كل فيلم بكتبه.. شكرا على اهتمامك بملابسى وشكلى، شكرا على حبك لنجاحى كأنه نجاحك أو أكتر، الحقيقة انك ليكى فى نجاحى ده اكتر منى شخصياً، شكراً على وقوفك جنبى لما أصر على رفضى لأى عمل لا يليق بالجمهور رغم احتياجنا المادى ليه وتقوليلى ولا يهمك نستحمل، لو كنت اخدت خطوات فده لأن ربنا سبب فيكى الأسباب أنك فى ضهرى.. ربنا يخليكى ليا أنا والبنات وتفضلى شايلة همنا طول الوقت.. قررت اكتبلك قدام كل الناس عشان أنتي الجندى المجهول فى حياتى، شكرا على كل حاجة يا حبيبتى".