السيسى : لولا ترسيم الحدود مع قبرص ما استطعنا تنفيذ اكتشاف حقل ظهر

قاطع الرئيس عبدالفتاح، المهندس طارق الملا وزير البترول، خلال شرحه على الخريطة حول الحدود التي تم اكتشاف حقل ظهر حولها، قائلا:"عاوز كلنا واللي بيشوفنا في مصر يبصوا على الخريطة دي كويس، كل مناطق الاستكشاف المحددة هو خط ترسيم الحدود بينا وبين قبرص".
وأضاف "السيسي"، خلال كلمته باحتفالية حقل ظهر، قائلا:" الناس تخلي بالها ممكن تقعد في مكان وتقول ما تعملش الموضوع ده وما تنفذوش، وتطلع تقول كلام انت في الاخر بتضر بلدك، لو ماكناش عاملين ترسيم الحدود مع قبرص وخلصان ماكنش عندنا الفرصة نعمل الاكتشافات"، متابعا:"لازم تقولوا للناس الحكاية لو ما اتعملش ده، ما حدش يخش أو نسمح للشركات تشتغل في البحث والتنقيب في هذه المناطق، لأنها مناطق لها قواعد وقوانين تحكمها في المياة ومش بتاعتنا لوحدنا بتاعت جيرانا ومن لهم حدود مشتركة معانا سواء في البحر المتوسط والاحمر".
وتابع:" لما يطلع حد يتكلم في الموضوع عشان ويضيع عليا 100 مليار دولار عشان بيتكلم كلمة ويضيع بلد.. لا ياجماعة الكلام ده، بقول لنفسي ولكل مصري وانسان مصري بيحب بلده قبل ما تتكلم وتفكر تعمل اجراء شوف البلد دي هتعيش ازاي، حبيت الناس تشوف الخريطة لانها فرصة لينا كلنا، اننا ما كان لنا أن نطرح هذا الكشف في هذه المنطقة إلا إذا كان معانا ترسيم حدود، والخط الاخر هي حدود محتمله مع اليونان، رسمت وهتبقى متصله والاتفاقية مشيت.. حبيت أقول مثال حي على المسألة".