اتجاهات

عمرو الشناوي : اهلا بكم في اتجاهات لا حديث في الدوائر الاقتصادية والسياسية والامنية في الكثير من الدول على شرق المتوسط سوى تلك الكميات الضخمة من الغاز التي يمكن اكتشافها وانتاجها من المياه العميقة نركز ونؤكد مرة اخرى ان تصريحات العديد من خبراء الطاقة والغاز تؤكد ان شرق البحر المتوسط ستصل خلال الفترة المقبلة مرحلة تحول تاريخية مشابهة للمرحلة التي شهدتها الخليج العربي في التلاتينات والعشرينات والاربعينات في القرن الماضي من خلال اكتشافات الغاز الضخمة التي ستعيد رسم خريطة الشرق الاوسط الاقتصادية سندخل هذه المرحلة من هنا الحقيقة دخلت الدول المطلة على شرق المتوسط سباق محموم للبحث والتنقيب عن الغاز في هذه المياه العميقة بهدف تامين احتياجاتها في تعزيز اقتصادها عشان كده فرضت قضية ترسيم الحدود البحرية الاقتصادية وليست السياسية فرضت نفسها على الساحة خاصة لتداخل الحدود البحرية المشتركة وهذا يحتاج الى اتفاقيات ومعاهدات خاصة ويصعب التوصل اليها في غلب الاحوال هذا الامر المطروح حاليا بقوة في تركيا وسوريا ولبنان واسرائيل ومصر واليونان وليبيا وتونس ايضا بريطانيا وهنعرف ليه بريطانيا في هذه المنطقة وسائل الاعلام افردت مساحات في برامجها وصحفها لقضية الغاز المصري في شرق المتوسط وما تردد ان عدد من الحقول المكتشفة في الاسرائيلي والقبرصي بتدخل ضمن حدودنا المصرية حول القضايا المثارة عن غاز شرق المتوسط سيدور موضوع حلقة الليلة الدكتور احمد عبد الحليم رئيس هيئة الثروة المعدنية الاسبق ايضا يسعدنا ان يكون معنا الدكتور نايل الشافعي خبير الاتصالات والمهتم بقضية غاز شرق المتوسط اهلا وسهلا بكما الحقيقة عايزين نعرف لماذا هذا الاهتمام زاد وما حقيقة وجود غاز في هذه المنطقة وهذا الترحيب الجيولوجي
أ.احمد عبد الحليم : في الاول انا عايز اقول لحضرتك انا مش دكتور انا افتخر اني في مجال البترول بقالي 55 سنة بشتغل في الصنعة دي وصنعتي هي الخرايط فبالنسبة لحوض البحر الابيض المتوسط الشرق بالذات وخصوصا اللي بتطل عليه سوريا ولبنان وقبرص وغزة وعايز اكرر غزة وجزء من مصر فالصخور الرسوية في هذه المناطق بتسمح بيتكون الغاز وممكن يكون فيه بترول لكن الاكثر احتمالا الغاز فيه طبعا حفر اعماق لاكثر من 20 الف قدم ومالقوش البترول اللي كانوا بيدورا عليه حوالي 7 الاف متر
أ. نايل الشافعي: تحت سطح البحر
أ.احمد عبد الحليم : دايما احنا بنحسب تحت سطح البحر .. سطح البحر حاجة وقاع البحر حاجة وعمق المياه حاجة دي الطريقةالمتبعة في صناعة البترول ففيه ااهتمام عندنا دلوقت بان الاكتشافات كانت متوقعة لانه فيه تركيبات بتدل عليها ودلالات على صخور رسوبية في شرق البحر الابيض المتوسط احنا عندنا في دلتا النيل
عمرو الشناوي :تقريبا من 50 الى 80 كيلومتر
أ.احمد عبد الحليم : اكتر
عمرو الشناوي :دكتور نايل ايه حقيقة ان بعض الحقول سواء في اسرائيل و في قبرص هي داخل الحدود المصرية الحدود المفترضة الاقتصادية لمصر وعايز بس ارجع في البداية انت ايه اللي خدك السكة دي
أ. نايل الشافعي:انا مهندس اتصالات وشغلتي مهندس الياف ضوئية وفي انقطاع الكابلات في 2008 ابتدى اهتمامي بالمنطقة اللي يقع عليها هذه الكابلات في البحر المتوسط فابتديت ابص تحت البحر المتوسط فدا اهتمام مهني ولكن هناك اهتمام تاني ان انا عندي موسوعة فاكتشفت ان فيه جبل غاطس تحت البحر شمال الدلتا وانه مش بس جبل غاطس .. دا اكبر جبل غاطس تحت العالم ارتفاعه 2000 متر تحت المية وفوق الالفين فيه كمان 60 متر جنبيه واسمه على اسم امين مكتبة في مكتبة اسكندرية
عمرو الشناوي :يعني من ايام مكتبة الاسكندرية القديمة
أ. نايل الشافعي:الحقيقة هو متسمي على اسمه وهو لم يكن يعلم ان هناك جبل ولكن هو ذكر هذه المنطقة ودخل في منطقة مختلفة لانه فيها اسماك وقشريات مختلفة عن البحر واللي بتشفي من امراض النقرس ولذلك كان فيه من سنة 200 قبل الميلاد كان فيه نشاط اقتصادي مصري مثبت في المنطقة من سنة 200 قبل الميلاد فابتدينا نبص على المنطقة دي فاي مقالة موسوعية عشان تبقى كويسة لازم يبقى فيه مراجع جبنا المعلومات منين ويفضل انه يكون فيها صور فابتدينا نفتش على صور للجبل فلقينا صور ملونة فيها اشكال جميلة جدا تضم الاحياء المائية اللي موجودة هناك فوجئنا بعد كده ان غواصة غير مأهولة ودراع روبوتية بتاخد عينات وتحلل عينات لقينا 3 غواصات طالعين من مركب واحدة من وكالة ابحاث امريكية معارة الى مصلحة النصر الجيولوجي في اسرائيل لمدة 3 اسابيع في شهر اغسطس 2010
عمرو الشناوي :يعني اسرائيل سبقونا في الاستكشاف
أ. نايل الشافعي:انا كل اللي اعلمه انه فيه غواصة وبتصور وانهم حاطين صور حلوة عن الموضوع فبقيت مهتم باللي بيحصل هناك وخصوصا اني لقيت الصور دي محطوطة في موقع اسرائسلي عن اغطس ومهتم بالمياه بصفة عامة وهذا الموضع تستضيفه مصلحة النصر الجيولوجي الاسرائيلي
عمرو الشناوي :دكتور احمد عبد الحليم متحفظ ان هذه الغواصة تقوم ببحث علمي
أ.احمد عبد الحليم : لان دايما المساحة الجيولوجية الاسرائيلية زي جهات كتيرة علمية الناشيونال جيوجرافيك اللي كلنا عارفينها ماهي جايبة الحاجات دي كلها انا شفت الحاجات دي في الناشيونال جيوجرافيك وحضرتك عارفها مجلة معرفة عامة
عمرو الشناوي :استفساري هنا هل هذه الصور قادرة على اجراء هذه الابحاث ولا لا.. حضرتك استبعدت انها تكون بتعمل هذه الابحاث
أ.احمد عبد الحليم : لا ما استبعدتها انا عارف ان المركب دا عمل بحث حتى في الجبل اللي اسمه توتيلس ودي حاجات اكاديمية ولا علاقة لها بالغاز ولا بحقل ولا حاجة والحقل مالوش علاقة بالجبل الغاطس دا ولعلمك الجبل الغاطس دا انا عندي شكوك دا عمقه عن سطح البحر 1000 متر هو قمته تحت سطح البحر وسطح البحر دا المرجع بتاعنا تحت سطح البحر بالف متر مش ب600 متر انا معرفش فين الاحياء البحري اللي موجودة فيه لكن الاحياء البحرية بتعيش بعيد عن الاكسجين
أ. نايل الشافعي:الموقع حاطط صور كتير للموقع في المنطقة والغواصات بتاعتها من الساحل الجنوبي لقبرص حتى وثلت الى هذه الصورة والصورة هنا مختوم عليها نوتولس ورقم الصورة 9 اغسطس 2010 ضفاف النيل.. انا اللي همني وقتها ان دي ضفاف النيل وان اللي عملتها مصلحة النصر الجيولوجي باسرائيل وتحت الصور دي موجود شكر ل15 هيئة من تركيا وقبرص وبريطانيا وامريكا واسرائيل وكذاوكذا ولا شكر منهم لاي هيئة مصرية
عمرو الشناوي :يعني انه لم يتم التعاون مع مصر او اي من الهيئات المصرية
أ.احمد عبد الحليم : الصورة دي انا تالت مرة اشوفها النهاردة شفتها امبارح في برنامج وكنت مستاء جدا يعني انا عاوز افهم بالعقل ازاي غواصة تخش من ميناء دمياطك ومحدش يشوفها والقوات المسلحة دبة النملة بيعرفوها غواصة تخش في مجرى فرع دمياط وتخش باجهزة وبتصور ضفاف النيل يعني ايه بتصور ضفاف النيل انا عندي شك ان الكلمة دي محطوطة بالغلط يعني ايه ضفاف النيل
أ. نايل الشافعي:دي كانت على بعد 5 كيلو في مصب جنوب دمياط
أ.احمد عبد الحليم : بقول لحضرتك دبة النمل في البحر في الصحرا هيئة العمليات بيكون عندها علم مسبق بيها
عمرو الشناوي :خلينا نرجع تاني احنا عايزين نطمن على حدودنا الاقتصادية وعلى حقوقنا في اطار حدودنا الاقتصادية
أ. نايل الشافعي:انا عايز اقول حاجة انا هكون سعيد جدا انا اللي في الموضوع دا انه زي ماحضرتك بتقول ان الواحد بيحب يشوف بلده كل حقوقها مصانة بس ودي صورة تحزن اي مصري لو هي صحيحة
أ.احمد عبد الحليم : فيه حاجة ما يمكن واخدين اذن ادارة العمليات ودي حاجة عالمية الاسرائيليين مساهمين فيها يمكن واخدين اذن من هيئة العمليات
عمرو الشناوي :عملية المسح هذه كانت مصلحة المساحة الاسرائيلية يعني كانوا ماجرين السفينة بتعمل لحسابهم وهذا الموثق في ملف السفينة .. طيب في النهاية دا يوصلنا لايه في النهاية احنا عايزين نطمن
أ. نايل الشافعي:اللي انا خدته من الموضوع دا كله انه فيه اهتمام اسرائيلي بهذه المنطقة دا فقط اللي انا خدته منها .. في 2009 تم اكتشاف حقل صغير مش كبير وبعدن في 2010 اكتشفت اسرائيل حقل وفي 2011 نفس اشركة الاسرائيلية
عمرو الشناوي :طيب بدايةالحركة كانت ازاي
أ. نايل الشافعي:لقيت الاخبار بان اسرائيل اكتشفت الحقل دا وانه هيتراوح ادخل السنوي الى 10 مليار دولار وبعدين في 2011 ظهر حقل جنبه على بعد 2 كيلو متر والحقل دا في قبلررص فانا كمصري اول شئ بسال فيه المنطقة دي ابتديت ابص عليها والاحداثيات بتاعتها هي بتاعة مين لقيت انه موجود دونا عن كل البحار في العالم جوجل محجوب هي طلب منها حجب الصور التفصيلية عن هذه المنطقة من البحر
أ.احمد عبد الحليم : انا بتساءل يعني ايه محجوب
أ. نايل الشافعي:جوجل بتتيح لاي دولة في العالم انها تحدد مناطق استراتيجية وبتطلب من جوجل حجب الصور المفصلة لها
أ.احمد عبد الحليم : دي حضرتك خريطة انا مطلعها اول امبارح
أ. نايل الشافعي:ايوة لو دخلت على جوجل على مستوى تفاصيل اقل من نص ميل هتلاقي انه مفيسش صور خالص للبحر المتوسط
أ.احمد عبد الحليم : انا شفت التفاصيل هنا في الساحل وفي البحر انا هقول لحضرتك على حاجة الخريطة دي مش معمولة للجبل دي شركة عالمية اللي هي بتاعة استطلاع جيولوجية وبحثية في العالم كله واي خريطة تطلبها باشتراك تطلبها وعشان تجيب خريطة من عندهم هل هي خريطة دقيقة بما فيه الكفاية ولا لا والمراجع عندنا احنا في مصر انا الحمد لله لقيتها دفيقة بما فيه الكفاية لو شفت هنا مواقع الراضي بجيبها من موقع اسرائيلي .. واسرائيل ومصر واي حد عايز يعمل حاجة يجبر على انه يعمل حاجة اسمها الاحداثيات واي حد يعمل الاحداثيات دي
عمرو الشناوي :معانا مداخلة تليفونية معانا الدكتور حسين محمد حسين هو مسئول عن شركة نمساوية فرع ااستكشاف في مصر مساء الخير يافندم.. راي سيادتك ايه في اللي احنا بنتكلم فيه دلوقت
د.حسين محمد حسين- رئيس مجلس ادارة احدى الشركات النمساوية بمصر: اولا تحياتي للضيوف الاعزاء وخاصة الاستاذ الكبير الاستاذ احمد عبد الحليم يعني بداية القول للدكتور نايل طبعا مع احترامنا ليه لانه عالم جليل متخصص في الاتصالات كل اللي بيقراه لا يمكن ان ينطوي على الحقيقة العلمية اللي احنا بندرسها بقالنا 40 او 45 سنة .. تعليق بسيط على الغواصة الاسرائيلية او ايا كانت جنسيتها ايه بتعمل ابحاث استحالة تعمل ابحاث علمية وهي تحت طبعا لا يمكن لكن اللي ممكن تعمله انها تاخد عينات ممكن يدرس احياء مائية ممكن اي حاجة ولو هيعمل دراسة على البترول لازم ياخد عينة
عمرو الشناوي :يعني من الممكن ان تستعمل هذه الابحاث لبيان نوعية التربة وهيركبوا عليها الحفارات تاني واحنا عارفين انه فيه انواع كتيرة من الحفارات بتبقى راسية على قاع البحر
د.حسين محمد حسين- رئيس مجلس ادارة احدى الشركات النمساوية بمصر: بالظبط
عمرو الشناوي :يعني الغواصة بتبقى عامل مساعد
د.حسين محمد حسين- رئيس مجلس ادارة احدى الشركات النمساوية بمصر: بالاضافة الى ذلك انها زي ما الدكتور نايل قال معرفش هي طالعة ليه لكن المساحة اامريكية الجيولوجية طلعت ان الغازات التي نتجت تراوحت بين 220 الى 223 تريليون
عمرو الشناوي :يعني في حدود دلتا نهر النيل
د.حسين محمد حسين- رئيس مجلس ادارة احدى الشركات النمساوية بمصر: نعم ولكن البحر المتوسط ي منظومة تانية وبعدين كل الشركات الكبيرة في العالم هما 6 كبار او 7 او 8 كبار عاملين بالاضافة الى الشركات في المنطقة عشان دراسة هذه الكميات الهائلة
عمرو الشناوي :كانت فيه اكتشافات اعتقد قامت بيها شركة شل اعلنت عليها في 2003 واعلنت انها حفرت على هذا العمق وطلعت نتايج تبشر بانه فيه ثورة من الاكتشافات من الغاز
د.حسين محمد حسين- رئيس مجلس ادارة احدى الشركات النمساوية بمصر: دي حقيقة موجودة فعلا وبالارقام وصرفوا اكتر من 250 مليون دولار على المنطقة وحصروا 5 ابار ومن ضمن ال5 ابار دول مجمل احتياط الغاز اللي موجود تقريبا 1 تريليون ولكن عشان نطلع هذه الكمية من عمق 2500 متر الى الشاطئ محتاجين على الاقل 3.5 مليار وبالتالي اصبحت كمية غير اقتصادية
عمرو الشناوي :ومتوقعين ان الكمية الموجدودة عند الحقل لاسرائيلي او الحقل القبرصي اكتر من كده
د.حسين محمد حسين- رئيس مجلس ادارة احدى الشركات النمساوية بمصر: احنا في البير اللي اكتشفته اكتشفوا لكن في اللي ناحية اسرائيل كان اقل واحد 3.5
عمرو الشناوي :بشكرك يادكتور حسين على اهتمامك وبرضه عاوزين نوصل عشان نعهرف ما الذي تضمه حدود مصر الاقتصادية
ليك تعليق يادكتور احمد
أ.احمد عبد الحليم : هو حضرتك ذكرت شل .. شل دي زي ما الدكتور حسين دا زميل عزيز فالاكتشاف بتاع شل دا هما عملوا 3 اكتشافات بيعادل 150 مليون برميل زيت لو الاكتشاف دا موجود اعماق المية هنا دي كانت حاجة ضخمة بتاعة 41 الف كيلومتر يعني قد اللي احنا شايفينه 3 او 4 مرات لو الاكتشاف دا اتعمل هنا يبقى اقتصادي لكن لو في البحر غير اقتصادي لانه على عمق 2400 كيلو متر وشركة شل عايزة عائد اقتاصدي والشركة دي صرفت 600 مليون دولار مش زي ماقال الدكتور حسين وسابت المنطقة
عمرو الشناوي :هما اكتشفوا سنة 2003 وكان المفروض هيفضل على تعاقدهم 3 سنين او 4 باقي الفترة دي مخدوش قرار خالص
أ.احمد عبد الحليم : هما كانوا طمعانين انهم يلاقوا في حدود 5 او 6
عمرو الشناوي :طيب عملوا ايه عشان يكتشفوا مزيد من الحقول دي
أ.احمد عبد الحليم : بالنسبة لشل دي كانت دراسات مكتبية عشان يشوفوا مجموعات من الحقول الصغيرة لان الحقل يعتبر صغير في المياعه العنميقة
عمرو الشناوي :طيب ليه مادوروش جنبه او حواليه يعني ليه اكتفوا بهذه فقط
أ. نايل الشافعي:رئيس الاستكشاف العالمي قال ان الاكتشافين اللي تموا في نوفمبر 2003 دول اكبر اكتشافين تموا في القرن الواحد وعشرين لانه هما اللي غيروا خريطة الغاز في العالم كله .. ايه اللي عملته شل بعد 2003 عشان تتحقق منه او تنفيه هذا هو السؤال وبعدين حضرتك بتقول انهم مشيوا بعد الامتيازظ في 1999 ومشيوا في 2010 يعني 11 سنة و11 سنة دي ماهياش مدة امتياز ولا مدة تعاقد وهما لما جم مشيوا قالوا احنا بننسحب مش العقد انتهى
عمرو الشناوي :يعني كان ممكن هما يكملوا
أ.احمد عبد الحليم : انا مقدرش اسمع كلام في الهوا الا اذا كان فيه تقرير مكتوب من شل
أ. نايل الشافعي:فيه خرايط مشكوك في اصلها او مين اللي عاملها لكن دي خريطة خلقة ربنا دا البحر ودي اعماقه انا كل اللي المعلومات اللي تهمني عشان اعرف احداثيات اي حاجة محتاج معلومتين هما الحفار اللي حفر عمقه 1500 متر يبقى معناه د خطوط الاعماق بتاعة البحر المتوسط فاذن 1500 لازم تكون على هذا الخط منطقي
أ.احمد عبد الحليم : لا .. انا قالي 55 سنة ما سمعتش بالطريقة دي الشركة دي شركة محترمة عمرو بيه هات 1000 جيولوجي في البلد يقولك الطريقة دي
أ. نايل الشافعي:المعلومتين ببساطة ان العمق 1500 يبقى لازم يكون على هذا الخط والمعلومة التانية انه على السطح الجنوبي من جبل يبقى لازم لازم لازم لازم مالهاش اي منطقة على الاطلاق فقط هنا ..
أ.احمد عبد الحليم : فقط فقط مش هنا . اسال كل جيولوجيين البلد دي وكل المهندسين بتوع البترول في ابلد دي هيحصل تصويت 100% ضد الدكتور نايل
عمرو الشناوي: هنتاكد فعلا من الجيولوجي الدكتور يسري حسان .. دكتور يسري مساء الخير رايك ايه
د.يسري حسان – جيولوجي : مساء الخير جميعا واهلا دكتور نايل واهلا بالاستاذ العظيم الاستاذ احمد عبد العظيم .. الحقيقة المناقشة سخنت شوية لكن فيه مجموعة حقاقئق هنا بالنسبة الى الروبوت اللي بتنزل الى قاع البحر عشان تاخد عينات اولا دي بتعمل حاجة محددة الابار دي عشان المية عميقة جدا فتكلفتها عالية جدا فانا عشان المية عميقة جدا باخد عينات من قاع البحر والهدف منها في المقام الاول ان انا اشوف فيه جاز ولا لا .. يعن انا لو تاكدت انه فيه جاز طالع من تحت فهي لما تقرا الاتفاقيات دي مع الحكومة الاسرائيلية كانت واخدة 75% لان المنطقة فيها مجازفة عالية ..
عمرو الشناوي :يعني حضرتك معلوماتك عن هذه الشركة تحديدا اللي هي مثيرة للشك من وجهة نظري انا الشخصية موبيل انيرجي بدات تاريخها من امتى
د.يسري حسان: موبيل انيرجي شركة حفر اصلا ولكن بما انها تملك اجهزة حفر
عمرو الشناوي :الحقيقة عندي معلومة وجايز تعرف معلومة احسن مني موبيل انيرجي ابتدت سنة 1930 وكان اسمها شمعدان انيرجي يعن هي شركة يهودي ودخلت هذا المجال مع تقريبا اطماع اليهود في هذه المنطقة ولم تتحول الى موبيل انيرجي الا من كام سنة وتخش في استثمرات بمليارات الدولارات فالقفزة اللي قفزها بالنسبة لي غير مبررة وغير مفهومة وتثير الشك والريبة
د. يسري حسان : الموضوع لا فيه شك ولا فيه ريبة .. موبيل انيرجي دي شركة حفر بالنسبة لها التكلفة افضل من اي حد تاني وبالتالي دخل في المياعه اللي بنسميها المياه العميقة جدا وخد دا من البيهود بشروط ممتازة 75% في حالة النجاح ..لانه اموضوع فيه مخاطرة كبيرة جدا في حالة الفشل والقصة ما بين شركة شل وبين شركة الاستكشفات الاسرائيلية والقبرصية هو في الخزان نفسه زي ما الدكتور احمد عبد الحليم قال وزي ما الدكتور حسين قبل كده قال اكتشفت 1 تريليون دي حقيقة ولكن اكتشفته في البحر المتوسط .. اللي حاصل في الاكتشافات الاسرائيلية انها اكتشفت خزان اعمق من اللي اكتشفته شل في الوقت اللي كانت بتشتغل فيه كانت بتشتغل زي ماكنا بنشتغل في الدلتا في البحر المتوسط من 30 او 40 سنة على خزان اسمه ابو ماضي
عمرو الشناوي :دا في دلتا نهر النيل هل دا مرتبط بحدودنا مع قبرص تصوراتك ان احنا هذه المنطقة تحتمل وجود اكتشافات اخرى
د. يسري حسان: بالقطع طبعا احتمال وارد
عمرو الشناوي :اشكرك دكتور يسري حسان ..
أ. نايل الشافعي:فيه خريطة طالعة من موبيل انيرجي نفسها وبتحدد فيها المواقع النسبية والبحرية التركية قامت بقصفها في 2012 وقالت ان المسافة مابين الاتنين 2 كيلو متر فدي بس حاجة احنا عرفناها من قرائن اخرى من البحرية التركية واكدتها البحرية الروسة لما بعتوا الغواصات .. انا هفترض ان ماحدث ليس فيه تعدي على المياعه في مصر بالرغم من انها اقرب الى دمياط ولكن فلنفترض ذلك علامة زائد حتى في الخريطة المعيوبة المسافة لا تتجاوز 5 كيلو متر او 10 كيلو متر
عمرو الشناوي :هل دخلت في حدود اي حد تاني
أ. نايل الشافعي:دا سؤال مهم جدا بس انا لا اؤمن بذلك لو فيه اكتشافات عظيمة بالشكل دا انا اروح تاني يوم اروح احفر في المياه اللي انا بقول انها بتاعتي يعن العقل والمنطق بيقول ان انا ابتدي احفر فورا
أ.احمد عبد الحليم : انا معترض على الكلام دا لانه الكلام دا غير قابل ان الواحد يسمعه احفر هنا .. ايه احفر هنا ازاي ما انت حضرتك قلت قبل كده من سوريا لغاية تونس ايه اللي من سوريا لتونس دي مكانش حد غلب
عمرو الشناوي :فيه كمان مناطق متنازع عليها
أ. نايل الشافعي:الموضوعية تقتضي ان نقول ان شل اخدت الامتياز سنة 99 جت في 2003 مصر رسمت حدودها في ظروف مرسبية جدا مع قبرص وكانت مليئة باالخطاء المشية
أ.احمد عبد الحليم : الحقائق والمستندات بتاعة وزارة الخارجية بتقول غير كده
أ. نايل الشافعي:احمد فتح الله اللي رسم بنفسه
أ.احمد عبد الحليم : مين احمد فتح الله
أ. نايل الشافعي:رئيس الادارة القانونية بوزارة الخارجية
عمرو الشناوي :حضرتك معترض نفهم الاول
أ.احمد عبد الحليم : المشاهدين دلوقت هيبقوا مضللين في وقتها نقول الكلام دا مش مظبوط
أ. نايل الشافعي:هو كان في الشئون القانونية وحاليا سفير جامعة الدول العربية
عمرو الشناوي :دا كان رئيس اللجنة اللي قامت بالترسيم
أ. نايل الشافعي:شل اخدت الامتياز سنة 99 في 2003 فوجئوا انهم فقدواحوالي 15% من هذا الامتياز بسبب الترسيم اللي تم مع قبرص وبعدين في 2010 تاني سبب الترسيم اللي تم بين قبرص واسرائيل فقدوا كمان حوالي 15% ل20%
عمرو الشناوي :احنا عندنا الفقرة الاخيرة في اتفاقية ترسيم الحدود بينا وبين قبرص لا تسمح لنا بالغاء هذه الاتفاقية رغم ان قبرص رسمت مع اسرائيل بدون الرجوع لنا
أ.احمد عبد الحليم : حضرتك النقط من هنا لهنا دي هتلاقي النقط اللي رسمناها مع قبرص ودي النقط اللي رسمتها اسرائيل مع قبرص هقول لحضرتك على حاجة فيه مشكلة خطيرة محدش بيبص لها والدكتور نايل ما بصلهاش انا اعتقد ان احنا ما بنرسمش مع اسرائيل لان احنا معندناش حدود بحرية مشتركة مع اسرائيل احنا حدودنا البحرية المشتركة مع فلسطين ازاي اروح ارسم مع اسرائيل
عمرو الشناوي :يعني احنا هنتغاضى عن الامر الواقع واحنا مش عارفين فلسطين هتبتدي فين وتنتهي فين هل اسيب اسرائيل ترتع في كل المساحة دي على اساس ان لما دولة فلسطين تعلن الدور على حقي هناك
أ.احمد عبد الحليم : انا هقول لحضرتك على حاجة الخط دا اللي هو من هنا لحد رفح دا خط مصري 100% احنا اللي راسمينه حسب القانون الدولي وقبل الحاجات دي كلها ماتحصل
أ. نايل الشافعي:حسب القانون الدولي الكلام دا مش مظبوط لانه فيه قاعدة في القانون الدولي بيقول ان لو الخطوط البرية خط مستقيم فان الحدود البحرية يجب ان تكون امتداد لهذا الخط المستقيم
عمرو الشناوي :احنا للاسف بتمنى انه يكون عندي وقت ان انا اشكر سعادتك الاستاذ احمد عبد الحليم الخبير العالمي والدكتور نايل الشافعي ولان الموضوع كبير جدا وكان محتاج الى 3 او 4 ساعات لنشرحه بمزيد من الموضوعية بما فيه فعلا مصلحة هذا البلد اشكركم والى اللقاء في حلقة جديدة من اتجاهات