بالفيديو.. سعد الصغير يشكر كل من وقف بجانبه فى جنازة والدته

عبر صفحته الشخصية على موقع التواصل الاجتماعى "الفيس بوك"، نشر المطرب الشعبى سعد الصغير ، مقطع فيديو قام بتسجيله ووجه فيه الشكر لكل من قام بالوقوف بجانبه و سانده وقت وفاة والدته .
وعلق قائلا:"بجد بشكر كل اللى عزانى، معرفش إنى محبوب عندكم كده أوى، وبشكر الفنانين كلها، اللى جت واللى مجتش، مش هاممنى مين الفنان اللى جى ومين مجاش، أنا يهمنى الجمهور الجميل اللى هو شكلى، الفنانين مش شكلى، فيهم الغنى وفيه الفقير لكن انتوا اللى شكلى" .
وأخص سعد الصغير الشكر للفنان أشرف زكى و محمود الليثى و أهالى منطقته قائلاً :" بشكر الفنان الكبير أشرف زكى لوقوفه بجانبى وقت مرضى ووقت وفاة والدتى و بشكر الفنان محمود الليثى أخويا اللى ماسبنيش و امى فى المستشفى ووقت الجنازة والعزاء، و بشكر الفنان الكبير مصطفى كامل لحضوره للعزاء وهو واسرته على الرغم من الخلافات التى كانت بيننا، و بشكر كل اهالى منطقتى " .