كريم كراميل

المقادير:
2 كوب لبن كامل الدسم + معلقتين قشطه لبن او كريمه
3 بيضه + صفار بيضه لو بيض احمر + فانيليا كتيييير او اى منكهات علشان الزفاره انا هنا استخدمت قشر البرتقال المطحون مع كيس فانيليا
((لو بيض بلدى يبقى 4 بيضات كاملين ))
4 معلقه كبيره سكر للكريم الكراميل،كوب سكر.
الطريقة:
نحضر القوالب المقدار ده بيعمل تقريباااْ 6 قوالب من الحجم الوسط
فى طاسه على النار نحط السكر بدون تقليب خالص ونهدى النار علشان ميتحرقش
وبعد دقيقه هنلاقيه بدأ يتكرمل ولونه يبقى دهبى نسيبه لحد مايبقى كله لونها دهبى غامق بس مش محروق علشان ميمررش و نصبه فى القوالب يغطى قعر القالب تماماااْ
ونتركه على جنب يبرد خالص،نحضر الكريمه ،نحط اللبن يغلى على النار و معاه القشده ولما يغلى نحط عليه السكر وده حسب الرغبه تزودى او تنقصى على حسب ما تحبى انا حطيت 4 معالق كبيره كان مظبوط.
وفى طبق عميق نحط 3 البيضات + صفار و بالمضرب الكهربى نخلط كويس بس مايعملش مارنج يدوب يتخلط كويس وعليه الفانيليا او اى منكهه تحبيه ممكن بشر قشر ليمونه بيبقى تحففففه انا حطيت معلقه قشر برتقال مجفف رووووعه فى الريحه
ولما اللبن يغلى نحط شويه منه على البيض ونضرب بسرعه بالمضرب وبعدين نضيف باقى اللبن المغلى على البيض ونقلب وبكده البيض ميستويش يبقى سائل فى اللبن
و نيجى للقوالب نحط فى كل قالب شويه ميه ساقعه وبسرعه نفضيه بس علشان نتأكد انه يبقى صلب و ميسحش لما نحط الخليط الكريم.
وبعدين نصب الكريم على الكراميل فى القوالب بس لازم نسيب 1سم من فوق علشان احياانااْ يعلى و ميدلقش فى الصينيه،ونرص القوالب فى صينيه تكون حوافها عاليه انا بحطه بقارب بيركس ونكون مسخنين مسبقا،الفرن 180 ونحط ميه مغليه فى الصينيه بعد ما نحط القوالب ( حمام مائى ) سخن لسرعة النضج نملى الميه لنص القالب تقريبااْ بياخد تقريباااْ 45 : 60 دقيقه نعرف انه استوى هنلاقى الوش عليه طبقه دهبى تحففففه نختبره بخله لو طلعت نضيفه يقى تماام لو لسه سائل نسيبه ربع ساعه ونختبر تانى بس ان شاء الله مبيحتاجش اكتر من كده بيقى تمام جدا ولما نخرجه من الفرن نشيله من الصينيه ونسيبه يبرد خالص وبعدين لازم يدخل التلاجه لمدة 3 ساعات على القل وبعدين عند التقديم نجيب حرف سيكينه رفيعه ونسلك بيها الاطراف كلها لتحت علشان نضمن انه ميلزقش بالقالب واحنا بنقلبه ، وبعدين نحطه على عين البوتاجاز الصغيره خالص وتكون نار هاديه لمده 30 ثانيه علشان الكراميل يدوب و ينزل عليه .