تعالى اقولك ازاى تخلى ابنك يسمع كلامك من نظرة عينك!!!

طبعا كلامى موجه للامهات ولكل واحدة على ولادة او حتى اللى لسة بنات
اهو ياخدوا فكرة وربنا يرزق كل مشتاقة
فكرة الموضوع جاتنى
لما واحدة أسلتنى فى موضوعى فى معاملة الازواج عن مشاكلها فى البيت وان اولادها مش مخلينها تستمتع
هى وجوزها بحياتهم وكل حياتهم منصبة على اولادهم ومش لاقين وقت لنفسهم
انا قولتلها ان احنا لو ربينا اولادنا صح اكيد اكيد حياتنا هتبقى افضل
وقولتلها ان اولادى بتعامل معاهم بالنظرة
فطبعا جاتنى اسئلة كتير ازاى نتعامل معاهم
فطبعا موضوعى بتاع الدلع للمتزوجات قلب على مشاكل الاسرة والطفل
علشان كدةفكرت اعمل موضع مفصل للحكاية دى
اولا لازم ياجماعة نعود اولادنا على النظام والسمع والطاعة من وهما صغيرين علشان حياتنا متبقاش سايحة كدة
يبقى العيل عارف امتى يلعب امتى يسكت ويسمع الكلام دايما
والله الموضوع بيريح فى الخروج بالذات
لازم ابنك يتعلم يعملك حساب ويسمع الكلام
مش معنى كدة انوا يبقى بيخاف لأ لازم يعرف انك كلمتك لازم تتسمع وقت ماتقوليها
وطبعا كل طفل على قد سنه مفيش عيل صغير وعيل كبير فى قواعد واحدة بس الطرق مختلفة
قواعد تربيه الطفل واحدة بس طرق تنفيذها بتختلف بأختلاف اعمارهم
انا ولادى من وهما صغيرين عودتهم ان كلامى بيتسمع بالنظرة مش بالكلام
وطبعا دا فارق معانا كتير فى خروجنا وجوة البيت
يعنى انتى اولاك سنهم صغير يعنى ممكن تلحقى نفسك معاهم
اقرى كتير عن السن دا وطريقة التعمل معاهم وكل قترة يمروا بيها كدة هترتاحى ان شاء الله
طبعا السبب فى شقاوة الاولاد او قلة سمع الكلام او قلة ادبهم بيرجع كله من الام
ايوة متستغربيش انتى السبب فى ان ابنك مش بيسمع الكلام او عندى او او او لانك معدكيش شخصية مع اولادك
والله بشوف نماذج لاولاد منتهى قلة الادب بيضربوا امهاتهم ويشتموهم بيبقى نفسى اروح اضرب الام والولد هو علشان قلة ادبه
وهى علشان سمحتله بكدة
نيجى بقى لأهم نقطة
هى شخصيتك مع اولادك
اول حاجة لازم يتعملها الطفل ان انتى اللى مسيطرة مش هو
ولازم يخاف او يعمل حساب لكمتك انتى مش باباه
لانه عايش معاكى انتى طول النهار ازاى بقى
هنشرح الكلام دا واحدة واحدة
اول حاجة لازم يتعملها الطفل ان انتى اللى مسيطرة مش هو
وكمان لازم اقولك ان سن ابنك كويس لحاجات واتاخرتى فى حاجات
اول حاجة اتأخرتى لو انتى معلمتهوش انك المسيطرة مش هو لانك ممكن تكونى عودتيه على الدلع الزيادة
المهم تعملى ايه انا هقولكم بعمل ايه مع اولادى
اول حاجةعلشان ابنك يبطل العند
ابنك لو عاوز حاجة وانتى قولتيله لأ خلاص يبقى لأ لو عمل ايه
هو هيقعد يعيط ويكسر يبهدل ولا تبصيله حتى (بمعنى ولا تبصيله) هو عاوز يعمل دا كله علشان يلفت انتبهاك او يزهقك
علشان ينفذ اللى فى دماغه
سبيه يعيط وحتى لو حبيتى تجيبله الحاجةدى بعد كدة
يبقى بعدها بفترة بمزاجك يعنى او لما يعمل حاجة كويسة تقوليله علشان انت شاطر انا هجيبلك دى علشان انت عملت كذا حلو اوسمعت كلام ماما وكدة
بس اهم حاجة متتضعفيش لانه مبيزهقش من تكرار المحاولة دى
يعنى كل يوم هيعيط وكل يوم هيعمل نفس الحركة على امل انك تضعفى ودا اللى بيخلى العيل يسيطر علينا وبيبقى عارف هو هيعمل ايه لو رفضتى طلبه
تانى حاجة
برضه لو انتى قولتى حاجة لازم تنفذيها لازم يعرف ان كلمتك واحدة مفيهاش تنازل
بمعنى قهولكم موقفين مخلينى مرتاحة لحد دلوقتى
هتقوليلى مانتى قولتى الكلام دا فوق
لأ
هنا الوضع مختلف
هناك كان ابنك عاوز حاجة وانتى رافضة لاى سبب لازم تسبتى على رفضك مهما حاول علشان يبطل عند
هنا بقى انتى عاوزاه يعمل حاجة وهو معاند تعملى ايه علشان تبقى انتى اللى مسيطرة
يبقى لازم تبقى حازمة وصارمة فى قراراتك
نقلا عن موقع:كوني يكن