عمرو محمود ياسين : خلط الاوراق مشكله تواجه افراد الشعب

صرح الفنان عمرو محمود ياسين للجمعة " ان خلط الاوارق ببعضها مشكله كبيره تواجه افراد الشعب الذين يفكرون في مسئلة المحاكمة .
كما عبر عن رايه فى ذلك الامر قائلا : " خلونا نتفق علي بعض الامور و بهدوء ... اذا اكان احمد رفعت فعلا متواطيء مع المجلس العسكري علي اساس ان كلهم نظام واحد يبقي كان حينسق بينه و بين القاضي انه لا يصدر الحكم الان حتي لا يتأثر شفيق بذلك لصالح مرسي (وهو ما يحدث الان فعلا) صح و لا ايه ؟ خصوصا لو ان علاء و جمال و الضباط حيطلعوا براءه الكلام ده مزبوط و لا ايه ؟"
معلش ...مع احترامي المنطق بيقول اكيد كان اجل القضيه لوقت اخر ..
طيب اذن لا يوجد تنسيق بين القضاء و بين العسكري و من الواضح ان احدا لم يكن يعلم بمنطوق الحكم سوي هيئة المحكمة
طيب امال الحكم ده ايه .. حقولك مبارك و العادلي خدوا اقصي عقوبة بينص عليها القانون و هي السجن مدي الحياه (المؤبد مش 25 سنه زي بعض الناس ما فاهمه ).
اما من جانب براءة علاء و جمال لانقضاء الدعوه حسب النص القانوني اللي بيقول تنقضى الدعوى الجنائية فى مواد الجنايات بمضى عشر سنين من يوم وقوع الجريمة)).
كما اكد ان براءة الضباط . فالقاضي قال ان المحكمة لم يكن امامها ادلة دامغة تم تقديمها له ( ملوش دعوه القاضي انت كمواطن شفت ايه او تعرف ايه ليه باللي قدامه ) تفيد بان هؤلاء الضباط قاموا بهذه الجريمة.
و ده مش تقصير من القاضي بقدر ما هو تقصير من النيابه العامة او محامين الشهداء و المصابين و بالتالي سبب الحكم بالبراءة على معاوني العادلي هو رفض المحكمة لشهادة الشهود والأدلة التي قدمتها النيابة، وبذلك انتفى خروج أسلحة من مستودعات الأمن المركزي، ولم تتيقن هيئة المحكمة من قيام وزارة الداخلية بإطلاق الرصاص الحي على المتظاهرين.
حتقولي طيب اذا كان الضباط نفسهم اللي المفروض هما المنفذين خدوا براءه يبقي اكيد مع اول نقض للحكم مبارك و العادلي براءه.
ارد اقولك صح بس ده لو هما اخدوا الحكم ده علي انهم امروا بالقتل لكن مفيش دليل امام القاضي انهم امروا بقتل المتظاهرين لكن هو اداهم الحكم لمسئوليتهم السياسيه حيث ان كلاهما حبيب و مبارك اصبحا شركاء في الجريمه لانهم لم يفعلا شيئا من وجهة نظر القاضي لايقاف قتل المتظاهرين علي يد القاتل المنفذ اللي المحكمة مقدرتش تعرف هو مين تحديدا حسب ما ورد لها من مستندات ..
و تاني القاضي بيحكم وفق ما لديه من مستندات مش ما يتناوله الراي العام من اراء و قناعات "
ونهى قوله قائلاً : ذلك رايي فيما حدث اليوم و اعتقد ان مرسي هو المستفيد الوحيد في النهاية .