فهد سعيد : مش عايز أكون شبه حد وليا طابعي الخاص

فنان موهوب ومميز قام بعده أعمال محاولا بها أن يجعل لنفسه مكانا ذات طابع خاص في عالم الفن , فرأينه " كيمو" الواد أبو دم خفيف في مسلسل خاتم سليمان و"سفروت " في مسلسل شبرا T.V وعلى النقيض في مسلسل "موعد مع الوحوش" وشخصيه" جندي الفولى" الواد الشرانى. وغيرها من الأعمال الأخرى مثل الجماعة والملكة نازلي والأدهم والست كوم مش فرندس فهو يعشق الفن لذاته, هذا الفنان الصاعد هو فهد سعيد من مواليد محافظه الجيزة متعدد المواهب فهو
غنى ومثل وألف اغانى كمان وهنتعرف عليه أكثر في الحوار التالي .
- مين ال اكتشف موهبة فهد سعيد ؟.
ال اكتشف موهبتي الأستاذ فهمي يسرى هو مخرج و راقص فنون شعبيه هو ال اكتشفني من وأنا عندي 12 سنه ودعمني نفسيا وليه فضل كبير عليا .. وعلى فكره انا كنت برقص في فرق فنون شعبيه وأنا صغير
- ما العمل الذي تعتبره بداية مشوارك الفني ؟؟
أنا اشتغلت مسرح وفيديو كنير بس اكتر المسلسلات التي اقدر اعتبرها بداية هو مسلسل شبرا T.V وخاتم سليمان وموعد مع الوحوش. خاصة أنى غنيت شعبي فى موعد مع الوحوش وشبرا T.V فحسيت أنى بدأت أحط رجلي على سلم الاحتراف.
- من هو مثلك الأعلى في التمثيل ؟؟
من الجيل القديم محمود المليجى , ذكى رستم , عادل ادهم ومن الجيل الجديد خالد صالح وخالد الصاوي وكان شرف ليا أنى أقف أدامهم , فانا مثلت أدام خالد الصاوي فى مسلسل " خاتم سليمان " وأدام خالد صالح في مسلسل " موعد مع الوحش "
- نفسك تكون زى مين من الفنانين ؟
مش عايز أكون شبه حد عايز يكون ليا طابع خاص كل ممثل ليه روح معينه , ولأذم يكون ليا شخصيه مستقلة ولكل فنان المدرسة الخاصة التي ينتمي إليها
- وفهد سعيد الى اى مدرسه ينتمي ؟
أنا بنتمى إلى المدرسة الكوميديا
- تقول لمين شكرا لأنه كان صاحب الفضل عليك فى دخولك الوسط الفني ؟
للأستاذ محمد الخولى دا في مجال المسرح هو مخر ج مسرحي وعملت معاها مسرحيات زى ملك الشحاتين كانت بطوله سامي العدل ومحمود الجندي على مسرح السلام بالقاهرة ومسرحيه حورس, مسرحيه كرنفال الشحاتين دى كانت على مسرح السلام بالا سكندريه بطوله عادل الكومى
اما في مجال الفيديو أقول شكرا للمخرج احمد عبد الحميد والأستاذ الكبير عادل الاعصر والأستاذ عبد العزيز حشاد خاصة انه إل منحنى الفر صه في مسلسل شبرا T.V
- أنت اشتغلت مسرح وفيديو وسينما اكتر مكان حابب انك تشتغل فيه ؟
اكتر مكان أحب اشتغل فيه هو السينما ,, لان السينما أسرع للوصول إلى الجمهور خصوصا إن الفيلم مدته ساعة ونصف , ساعتين,, وبالتالي بيكون سهل وممتع على المشاهد انه يشوفه اكتر من مره عكس الفيديو فالمسلسل ممكن أكون واخد فيه عدد معين من المشاهد وأنا لسه ممثل صاعد فقد يرى الجمهور بعد الحلقات والأخرى لا وقد يصادف ذلك بالاضافه إن المسلسل 30 حلقه وطويل
- من الفنان ال نفسك تقف أدامه وتمثل؟؟
أنا وقفت أدام ناس كبيره والحمد الله بس نفسي أقف أدام نور الشريف ,يحيى الفخرانى ..
- ما هي الأدوار التي تفضل أنت تلعبها ؟؟
اكتر الأدوار ال أحب انى العبها الكوميديا والشر .
- مش شايف انك اخترت دورين عكس بعض تماما ؟؟
يعنى بس أنا حابب العب دور الكوميديا لأنه مناسب لطبيعة شخصيتي فانه شخصيه بطبعها تحب الضحك والمرح , اما دور الشر فانا حابب العبه كنوع من التحدي مع النفس واثبات للذات باني قادر على أداه كل الأدوار وان كانت تتناقض مع طبيعتي الشخصية فالممثل الشاطر هو الذي يستطيع أن يلعب كل الأدوار والحمد الله قدرت ان انجح فى دا فى مسلسل موعد مع الوحوش وشخصيه الفولى الشريرة
- إيه إل إحنا هنشوفه قريب لفهد سعيد ؟
إن شاء الله في فيلم نازل لأحمد عيد اسمه " حظ سعيد " إن بلعب فيه دور شاب من شباب الثورة وبكون رمز لأحد الأحزاب السياسه الموجودة في مصر ولكن في الحقيقة أنا لا انتمى إلى اى حزب سياسي.. بس الفيلم فاضل ليه يومين تصوير وينتهي تماما وينزل السوق . وكمان في أغنيه أنا إل كاتب كلمتها ومغنيها اسمها " ماذا لو " هتنزل قريب إن شاء الله