عاجل.. الزمالك يستخرج تأشيرة الإمارات ل أحمد فتوح رغم استبعاده المحتمل من السوبر المصري

قال الإعلامي خالد الغندور إن مسئولي نادي الزمالك استخرجوا تأشيرة سفر أحمد فتوح للإمارات استعدادا لبطولة السوبر المحلي.
الزمالك يستخرج تأشيرة الإمارات ل أحمد فتوح
اضاف الغندور خلال برنامجه ستاد المحور: "الجهاز الإداري لنادي الزمالك ارسل اسم احمد فتوح ضمن اسماء اللاعبين اللي هيتم استخراج تأشيرة الامارات لهم للمشاركة في بطولة السوبر المصري
طب هل فتوح هيسافر مع الفريق الامارات".
تابع:" الحقيقة حتى الان فتوح خارج حسابات الزمالك للسوبر المصري تماما عشان هو عنده جلسة يوم 22 اكتوبر.. فا ربنا يرحم الفقيد ويغفرله.. حتى لو تم الصلح مع عائلة المرحوم لازم يحضر الجلسة وعشان كدة بنسبة كبيرة هو خارج السوبر المصري تماما الا لو سافر مباشرة بعد الجلسة".
أيمن الرمادي: رفضت رحيل بيكهام للأهلي والزمالك وعوضنا إيجولا بأربع لاعبين من بيراميدز
عاجل.. حقيقة وصول خطاب إيقاف القيد للزمالك بسبب مستحقات أشمبونج
واكمل: "طيب حد يسأل ليه الجهاز الاداري عايز يطلعله تأشيرة.. باختصار هما شايفين انهم لازم يبقوا جاهزين لأي موقف أو ظرف وجرت العادة في الزمالك انهم يطلعوا تأشيات لكل اللاعيبه في الفريق وبعدها يشوفوا مين اللي هيسافر بس الاهم يكن الجميع جاهز".
وأختتم: "بمناسبة الكلام عن أحمد فتوح كنت بتكلم مع احد لاعبي الزمالك الكبار وقالي ان فتوح اتغير تماما وشخصيته بقت مختلفة تماما
الراجل شاف ان الحادثة اللي حصلت دة درس كبير ورسالة من ربنا وبقى مداوم على الصلاة وكمان طريقة تعامله مع الجميع اختلفت تماما وهو حريص إنه يستمر على نفس الشكل دة
لاعيبه الزمالك فرحانة من التغيير اللي شايفينه في أحمد فتوح وفي حالة دعم كبيرة من الجميع عشان يستمر على نفس الشكل ربنا يرحم الفقيد ويغفرله ويصبر اهله ويكون الموقف دة عبره لينا جميعا".