الرئيس السيسي: لو الكهرباء اشتغلت 24 ساعة هيزيد سعرها 3 أضعاف

أكد الرئيس عبد الفتاح السيسي رئيس الجمهورية، أنه لا يجب أن تحدث أزمة للتعامل معها، مؤكدًا أن تطوير البنية الأساسية كان مهمًا وتكلف مبالغ ضخمة لأنه لم يحدث من قبل.
السيسي: نحتاج لإنتاج أكبر كمية ممكنة من المحاصيل بأقل كمية مياه
السيسي: ندعو المستثمرين للمشاركة في المشروعات التي تنفذها الدولة
أزمة الكهرباء
وقال الرئيس السيسي خلال مؤتمر افتتاح عدد من المشروعات بجنوب الوادي: "محتاجين كل أيد مصرية وكل خبرات وكل طاقة عمل يشتغل معانا لتجاوز ما نحن فيه، ما تنسوش من 2011 لدلوقتي زدنا 25 مليون، يا ترى إنتاجنا الزراعي زاد حتى ما يساوي زيادة السكان؟".
وأوضح الرئيس السيسي: "إن تجربة القمح المخلوط بالذرة ما بتغيرش الطعم ولا الشكل، إذا كنا النهاردة بنستخدم 18 مليون طن من القمح، منهم على الأقل 10 أو 12 مليون طن للخبز، هنضيف عليهم 2 مليون طن ذرة فقط، مهما عملنا إنتاجنا من القمح مش هيكفي إنتاجنا، لكن الذرة ممكن".
وأضاف الرئيس السيسي: "ال2 مليون طن قمح قميتهم 600 مليون دولار وممكن أكتر حسب سعر طن القمح، السنة اللي فاتت في الأزمة وصل أكتر من كده، إذًا لو النهاردة بنعملهم هنا تكلفته هتقل علينا، وهيوفر مثلًا 600 مليون دولار في استيراد ال20% اللي بنتكلم عليهم".
وتابع الرئيس السيسي: "العيش بيتكلف دولقتي جنيه وربع، أصل في ناس ما تحبش تتكلم، ليه ما بتتكلمش، ليه ما بتقولش، هو عيب ولا حرام، لا عيب ولا حرام، أبو شلن ده بيتكلف جنيه وربع، بعد ما كانت الدولة بتحط 20 أو 30 مليار جنيه دعم للخبز، بقو دلوقتي 120 أو 130 مليار جنيه".
وأضاف الرئيس السيسي: "إنت النهاردة مش عايز تيجي تمس حاجة الغلبان، وعاوز تساعد من غير ما تأذيه، لو الرغيب ده بقى بخمسة جنيه في ناس تقدر تشتريه، بس مش كل الناس تقدر تشتيريه، لازم نبقى متفهمين لإن الدولة في النهاية موازنة هي طاقتها المالية كده".
وتابع الرئيس السيسي: "دكتور معيط ما يتكلمش، ووزير التموين ما يتكلمش، ووزير الكهرباء ما يتكلمش، ما تتكلموا تقولوا للناس، قولوا ليه الكهرباء ما بتتعملش، لو أنا أخدت ثمن الكهرباء الحقيقية هاضاعف تمنها مرتين، الغلبان هيروح مني فين، أقطع الكهرباء ولا أغليها، أغليها قد إيه، اللي بيدفع جنيه هيدفه 2 و3، لو أنا النهاردة مواطن بدفع 100 جنيه في الشهر، لو أنا هابيعله الكهرباء بسعرها، هاخد منه 300 جنيه، طب إحنا بنعمل كده؟، لأ".
وأكد الرئيس السيسي: "عشان الكهرباء دي تستخدم على مدار ال24 ساعة مفيش قطع كهرباء خالص، لازم أخلي ثمنها لوزير الكهرباء قد ثمنها مرتين تلاتة، مديونية وزارة الكهرباء لوزارة البترول قد كده، طب ما بتدفعش ليه، أصل أنا اللي باخده أقل من الثمن، ووزارة البترول تقول أنا بديله الحاجة أقل من ثمنها، وبقت الشركات اللي شغالة معانا ليها فلوس عندنا وأنا بقيت مدين، الكلام ده مش وليد النهاردة، ده وليد ممارسات إحنا ماشين بيها بقالنا سنين".
وشدد الرئيس السيسي: "عملنا خطة في 2016 علشان نخلي ثمن الحاجة قد تكلفتها، لكن لازم تحط في الاعتبار التحديات اللي بتقابلنا في الأزمة بتاعة كورونا والأزمة العالمية الموجودة، والحروب الموجودة وتأثيرها علينا، وإحنا مواردنا مش كتير تسمح إننا نقابل الحاجات دي من غير جهد وتحمل، أنا بعيب على المعنيين حتى في التقارير الصحفية والمقالات اللي بتتكتب، محدش بيتناول المسألة بشكل موضوعي خالص، يا إنتو مش عارفين يا إحنا مخبيين عليكم، وأنا باكلمكم بمنتهى الصراحة، الدول تدار بالجدية والمسئولية والفهم، ولو الناس فهمت هتيجي معاك".