موقع التواصل الاجتماعي تشن هجوم على بيومي فؤاد "دا شحات"

شن رواد مواقع التواصل الإجتماعي، حملات هجوم على الفنان بيومي فؤاد، وذلك عقب تصريحاته الأخيرة عن الفنان محمد سلام، الذي اعتذر عن المشاركة في مسرحية "زواج اصطناعي" بسبب حزنه على مايحدث في غزة من إبادة جماعية لجميع السكان من دون رحمة على يد الاحتلال الإسرائيلي.
وبدأت حملات المطالبة بمقاطعة أعمال بيومي فؤاد، منذ تداول مقطع فيديو له، يتحدث فيه بطريقة مسيئة عن الفنان محمد سلام، ويؤكد إنه تهان الفن المصري بما فعله، وفي نفس الوقت أشاد بيومي فؤاد بالفنان حمد أنور الذي حل بديلًا عن محمد سلام.
بيومي فؤاد يتصدر مواقع التواصل الإجتماعي وحملات مطالبة بمقاطعة أعماله
وتحدث بيومي فؤاد، عن اعتذار محمد سلام عن المشاركة في مسرحية "زواج اصطناعي"، وذلك بعد انتهاء عرض المسرحية، وأثناء وقوف الفريق على خشبة المسرح لسماع تحية الجمهور، وأشار بيومي فؤاد في حديثه أنه هو من قام باستبعاد محمد سلام من العرض، وليس كما أعلن سلام عن اعتذاره بسبب الأوضاع في غزة.
وقال بيومي فؤاد في مقطع الفيديو المتداول عبر مواقع التواصل الإجتماعي أن محمد سلام أخطاء في حق الفن المصري قائلًا "من حقك تعتذر عن المسرحية، بس مش من حقك إنك تغلط في فنك، إحنا ما بنجيش علشان نضحك حضراتكم، إحنا بنقدم فن، فن مصري، وأنتم بتحترمونا وإحنا بنحترمكم جدا".
بيومي فؤاد: ليا الشرف اني جيت السعودية واحنا بنتعب ونشقى عشان نقدم فن
وتابع بيومي فؤاد حديثه بالثناء على موقف محمد أنور قائلًا: "شيء عظيم إن الفنان يكون له جمهور في كل الدول، شيء عظيم إني أتصور مع شاب سعودي، وأتصور مع سيدة سعودية وهي تعلم إني مصري، أنا بشرف بلدي، وهنا هحاول أخفف على رجل أنقذ موقف وكان رجل قدها اسمه محمد أنور".
وختم بيومي فؤاد حديثه قائلًا: "أنا فنان مصري ولي الشرف، جيت المملكة العربية السعودية ولي الشرف، كتر خيركم، إحنا بنتعب ونشقى علشان نقدم فن، ولو الموضوع كده، يبقي فيه فنانين من أيام نجيب الريحاني لحد محمد أنور المفروض ينتحروا، إحنا بنقدم فن".

موقع التواصل الاجتماعي تشن هجوم على بيومي فؤاد "دا شحات"..تعليقات الجمهور
عاجل | "كأنه متسول في السعودية"..ماجدة خير الله تهاجم بيومي فؤاد وتوجه له رسالة نارية بعد هجومه على محمد سلام
خاص | ماجدة خير الله: أين نقابة الممثلين من توجيه اللوم ل بيومي فؤاد بعد مشهد إساءته للفن المصري بموسم الرياض؟
* "بيومي فؤاد ممكن يبقي حر في رأيه وقراراته بس هو اللي وقع نفسه في الغلط لما وقف يزايد علي محمد سلام أو يمكن هو حاسس بينه وبين نفسه أن موقف سلام هو الصح وبيكابر.ماكنش له لزمة خالص الكلمتين اللي قالهم دول كان خلص المسرحية وقفل الستارة وخلاص بس هو اللي وقع نفسه في الغلط".
* "الحياة بتتعاش مرة واحدة، يا تعيشها راجل يا تعيشها بيومي فؤاد..كل الدعم ل محمد سلام"

* "هى الرسالة بتوصل عن طريق الفن انك توصل صوتك انك تشجع شعب وتدعمه انك تبين انك واقف معاه زى الاغانى الوطنية وغيرها مش اروح أرقص وأغني وأضحك شعب اصلا مش حاسس بالقضية انتوا عملتوا زيهم بالظبط".
* "موقف سلام... موقف يستحق كل الاحترام...نتكلم بقي عن كل اللي شارك في موسم الرياض ... أنا معنديش مشكله معاهم ... أنا عندي مشكله مع الدوله المحترمه اللي عملت موسم الرياض في الوقت اللي فيه عمليات آباده جماعيه لاخواتنا".
* "المهم أنه مقلش اى حاجه عن فلسطين والناس ال بتموت هناك".
* "الله يرحم الرجاله مين اصلا بيومي فؤاد ده كل الاحترام والتقدير لمحمد سلام".
* "بيومي فؤاد اخر واحد يتكلم علي عدم مبالاته بالفلوس يكفي إنه الجوكر من ستوديو لاستوديوا طالعلنا في جميع المسلسلات والافلام شنوا ايخليه يعمل كل ده لولا الفلوس".
* "اتكلمت ع زميلك قدام بلد تانيه عبشان الفلوس ماشي ورحت ترقص وتغني وجارك عنده عزا ماشي تقول الفن رساله ماشي تقول انك مش جاي علشان الفلوس ماشي تقول انك فنان ماشي بس تقول انك راجل لأبالعربي no، N بلانجليزي، Non بالفرنساري،NEIN بالألماني علشان كل إلى ماشي إلى كاتباها فوق كان أشرف ليكي تاخد الفلوس وتروح ومتعملش راجل تاني كل الناس بتشتغل بس إلى يعتذر نقف جمبه ونوضح عذره مش نرفع السكاكين عليه دي كرامه وشرف انت ماتعرفش عنهم حاجه".
* "هو انت لما تقف وانت فى السن ده تهز كرشك وترقص لا مؤاخذة اردافك ده معناه انك بنقدم فن محترم...ياراجل دا كانوا بيقولوا ان الفنان له احساس راقي..انتم فعلا بتمثلوا والناس بتكتشف حقيقتكم دلوقتي
تحية تقدير واحترام للبرنس محمد سلام".
* "ده حتي ماجبش سيرة الناس اللي فغزة وطلع قالك انا متضامن معاهم أو حتي انا متبرع بكذا وكذا لا ده كان كل همه يخبط فمحمد سلام عشان يحافظ علي مصلحته وفلوسه.... ياعم انت شايف انك بتقدم فن ده حقك ومحمد سلام شايف إنه ماينفعش نضحك واخواتنا فغزة بيموتوا ده حقه برضه وهو ده الصح..... انما انت بتهاجمه ليه؟".
* "الحياة مواقف وأفعال وإحساس عالي وضمير صاحي وغلاب..و يا تعيشها بأخلاق محمد سلام.. يا تعيشها بمبادئ المستر بيومي فؤاد..و مافيهاش أي طرق تانيه ولا متاهات.. ولا حتي كذب فهلوة حلول الأنصاف.. والقافية تحكم علي مقادير المكان وهو الزمان..أه منك يا كتاب التاريخ وسجل الأوان..و ياما بينكتب فيك وعلي الدوام.. وينحفظ بكل جداره وشوية أمان.. لحضرات قادم بني بشر الأجيال وصلوا علي كل أنبياء ورسل الله..والعاقبة عندكم في المسرات".

* "بيومي حاسس نفسه أنه ممكن يتكلم بالنيابه عن الفن المصري من كثر ما اشتغل بأعمال بده يحس نفسه عم الشغلانه ودا مش حقيقي ممكن إذا قلل من أعماله شويه مش هيفتكروا الناس غير".
* "عشان يتعلم أمتى يسكت وامتى يعلق وياخد باله من كل كلمة بيقولها".
* "كان ممكن يطلع نفسه بطريقة اشيك من كدا
لكن أسلوبه كان أوفر جدا جدا".
* "علي رأي الفيلم " يعني لو كنت سكت.. الناس كانت هتمشي تشاور وتقول اللي ماتكلمش اهو " الواحد اوقات عقله بيكون متسلط عليه".