غدا.. رامي جمال يطرح "حكايتنا منهية"

روج الفنان رامي جمال لأغنيته الجديدة "حكايتنا منهيه" المقرر طرحها غدا، ونشر رامي جمال صورة البوستر الرسمي الخاص بأغنية "حكايتنا منهيه"، وعلق عليها قائلًا:" واضح من ملامحي في الصورة كم النكد اللي جي، يوم الخميس عكننه عالآخر".
رامي جمال عن مشكلة لها علاقة بالإنجاب

وعلق الملحن رامي جمال عن مشكلة لها علاقة بالإنجاب، خلال حواره مع الإعلامية أسما إبراهيم ببرنامج "حبر سري"، المُذاع عبر شاشة "القاهرة والناس": «كان نفسي يكون عندي أطفال وربنا يبارك في كل اللي ربنا رزقهم، وأولاد اخواتي هم أولادي وبحبهم من قلبي، ومش بفكر في الموضوع زي الأول، ولكن كل هم يزوجتي لأنها لا تعانى من عدم الإنجاب.. قلت لزوجتي ناريمان، إحنا عايشين مرة واحده مفيش وقت تعملي جدعة، وتضيعي حلم الأمومة، الراجل ممكن يعيش عادي، لكن الست اتخلقت عندها غريزة الأمومة رقم 1، وعمري ما هشوفك قليلة الأصل لو مشيتي"، فكان ردها: «كل أنواع الرزق بتيجي لكل شخص لوحده إلا الخلفة ده رزق مربوط بالاتنين، لو مكتوب لي أخلف فاهخلف منك ابن، ولو مش مكتوب لي واتجوزت من شخص آخر ممكن ماخلفش بس هكون خسرت الإنسان اللي بحبه».

آخر اعمال رامي جمال

يُذكر أنَّ رامي جمال طرح أغنية جديدة، منذ أيام ماضية تحت عنوان «يلا بينا»، عبر قناته الرسمية على «يوتيوب»، والتي جاءت من كلمات أحمد عبدالنبي، الحان غريب، توزيع النابلسي، مكس وماستر خالد سند.

كلمات يلا بينا

ملل إيه زهق إيه زعل إيه
لكل زعلة فكة هنكشر ليه
أنا عندي حل فل وهنعمل بيه
هنعيش رايقين ليه هنكون حزانة ليه
ملل إيه زهق إيه زعل إيه
لكل زعلة فكة هنكشر ليه
أنا عندي حل فل وهنعمل بيه
هنعيش رايقين ليه هنكون حزانة ليه
يلا بينا يلا، يلا بينا يلا
نقلب المود يبقى حلو ونبقى مبسوطين
يلا بينا يلا، يلا بينا يلا
نقعد قعدة رايقة حلوة ونفصل حبتين
يلا بينا يلا، يلا بينا يلا
نقلب المود يبقى حلو ونبقى مبسوطين
يلا بينا يلا، يلا بينا يلا
نقعد قعدة رايقة حلوة ونفصل حبتين
إحجز لوكاندة إطلع فراندة
روح حفلة جامدة علّي الدوبامين
وبك أند رحلة مع صحبة تحلى
شوف حتة فيها بحر وأقعد لك يومين
من الشغل إجز وإفصل ومزمز
صاحب كل اللي ساحب نفسه من الروتين
كل أكلة حلوة بعديها سينما
ونغني في العربية واحنا مروحين
يلا بينا يلا، يلا بينا يلا
نقلب المود يبقى حلو ونبقى مبسوطين
يلا بينا يلا، يلا بينا يلا
نقعد قعدة رايقة حلوة ونفصل حبتين
إيه يلا بينا يلا، يلا بينا يلا
نقلب المود يبقى حلو ونبقى مبسوطين
يلا بينا يلا، يلا بينا يلا
نقعد قعدة رايقة حلوة ونفصل حبتين