عزيز الشافعي ل"الفجر الفني": تعاونت مع عمرو دياب في 25 أغنية.. ونجاح "بتمايل على ال Beat" مع إليسا أسعدني جدًا (خاص)

حققت أغنية بتمايل على ال Beat للفنانة إليسا نجاحًا كبيرًا منذ بداية طرحها وقد تصدرت التريند وحققت نسب مشاهدات عالية عبر موقع الفيديوهات الشهير "يوتيوب".

وأفصح الملحن عزيز الشافعي ل "الفجر الفني" عم كواليس أغنية بتمايل على ال Beat وكواليس العمل مع إليسا، كما كشف النقاب عن أقرب الأغاني لقلبه الذي قدمها مع الهضبة عمرو دياب.
عزيز الشافعي
وقال: "بيني وبين عمرو دياب 25 تعامل على مستوى الكلمات والألحان وأقرب أغنية لقلبي هي أول أغنية وهي "يوم تلات" لأنها كانت بداية كل النجاحات الكثيرة الذي جاءت بعد ذلك منها (زي مانتي، أنت الحظ، أماكن السهر، شكرًا من هنا لبكرة، بطمن عليك) كل الأغاني الحلوة اللي عملناها سوا".


عزيز الشافعي وعمرو دياب وتامر حسين
وكشف الشافعي عن كواليس تعاونه الأول مع الفنانة إليسا في أغنية "بتمايل على ال Beat" قائلًا: "نجاح أغنية إليسا أسعدني جدًا لأن ده أول تعاون ليا مع إليسا، وإليسا من أهم الأصوات في الوطن العربي وعندها جماهيرية كبيرة جدًا عندها نجاحات كثيرة ومتميزة جدًا وصوت يعني ملكة الإحساس فعلًا، قدرت أن أنا أعمل تركيبة جديدة وهي غنتها بطريقة رائعة، سعيد جدًا بنجاح الغنوة العود الأولي ليا مع إليسا واتطلع لتعاونات أخري ونجاحات أخري إن شاء الله".
عزيز الشافعي وإليسا
ما هي تفاصيل أغنية "بتمايل على ال Beat" للفنانة إليسا ؟

وفي سياق متصل يذكر أن أغنية "بتمايل على ال Beat" للفنانة إليسا، هي من كلمات وألحان عزيز الشافعي ومن توزيع أمين نبيل ومن إنتاج روتانا.
كلمات "بتمايل على ال Beat"

وسط الناس وحيده مفيش ولا حاجه جديده
عشان انت بعيد عني ف مش فارقالي
ولا حاجه وسط الناس سهرانه لكن خايفه وزهقانه
عشان انت بعيد عنى ومشتاقه ومحتاجه
و طول الليل عيوني بتدور عليك وسط الوشوش مبيناموش عيوني بعدك يا حبيبي
مبيناموش طول الليل
بضحك ف وش الناس
وقلبي بيتعصر مين اللي فيهم زيي قاسى
ولا مين زيي خسر وبيشوفوني
يحسبوني اني برقص عالأغاني انا ف مكان تاني
انا بتمايل على ال beat
مشغوله يا شاغلني عليك وسط الناس ملهيه لكن لسه انا حبيبتك اللي بتحبك
و ماتغيرش ولا حاجه وطول الليل بضحك
ف وش الناس وقلبي بيتعصر مين
اللي فيهم زيي قاسى ولا مين زيي خسر
وبيشوفوني يحسبوني اني برقص عالأغاني
وانا ف مكان تاني معاك يا حبيبي
انا ف مكان تاني انا بتمايل على ال beat يا حبيبي
وبفكر فيك وانا ف مكان تاني معاك يا حبيبي
انا بتمايل على ال beat يا حبيبي وبفكر فيك انا يتمايل على ال beat انا قلبي مستنيك وسط الناس موجوده لكن تايهه ومخضوضه ماليش غيرك ومن غيرك ما تلزمنيش ولا حاجة ".