تامر حسني ل جمهوره: "توقعوني أجيلكوا في سينمات كتير"

أعلن نجم الجيل تامر حسني عبر صفحته الرسمية بموقع التواصل الإجتماعي "فيسبوك" عن بداية توزيع فيلم تاج في السينمات وأعلن أنه يبدأ عرضه من أول أيام عيد الأضحى من 10 صباحًا.

ونشر تامر حسني قائلًا: "حالًا فيلم تاج بيتوزع على السينمات اللي بتعرض الفيلم في مصر والوطن العربي والعالم كله، مستنيكوا تشوفوا الفيلم إن شاء الله النهاردة أول أيام عيد الأضحى المبارك الساعه 10 الصبح وتوقعوني أجيلكوا في سينمات كتير،بعدين هحكيلكم الناس اللي في الصور تعبوا قد ايه، مستنيكوا يا جماعة من 10 الصبح إن شاء الله تااااج".

واختتم قائلًا: "يارب يا مسهل وعيد سعيد على الكل، كل سنه وكل يوم وأنتوا بصحه وسلام وفرح ونجاح".
منشور تامر حسني
تفاصيل فيلم تاج

فيلم تاج هو أول فيلم سوبر هيرو عربي، ويبدأ عرضه من أول أيام عيد الأضحى المبارك لعام 2023، وهو من بطولة الفنان تامر حسني والفنانة دينا الشربيني، والفنانة ساندي، والفنانة هالة فاخر، والفنان عمرو عبد الجليل، والفنان أحمد بدير. والفيلم من تأليف تامر حسني ومن إخراج سارة وفيق.
بوستر فيلم تاج
أغنية هرمون السعادة
الجدير بالذكر أن تامر حسني قد طرح منذ أيام أغنية "هرمون السعادة" وهي الأغنية الدعائية لفيلم تاج، وقد حققت الأغنية نجاحًا كبيرًا وقد تصدرت عالميًا وأصبحت رقم 16 عالميًا في نسبة الإستماع، وحققت عبر موقع الأغاني الشهير "يوتيوب" نحو 11 مليون مشاهدة.
وأغنية "هرمون السعادة" وهي من كلمات الشاعر أحمد جابر، وألحان علي الخواجة توزيع حاتم محسن ومكساج مودي منير.

وتقول كلمات أغنية "هرمون السعادة"
مسيلي على الحبايب
الحاضر واللي غايب
القعدة الليلة حلوة
والسكر فيها دايب
كل الصحبة الجميلة
متجمعين في ليلة
مش هنسيب حد يمشي
لسه السهرة طويلة
ما تيلا بينا نعيش شوية
لسه السنين الحلوة جاية
والحزن بح من النهاردة
عايزين دلع في كل ثانية
أرجوك ده إحنا استوينا
أرجوك ده إحنا اتهرينا
إيه يا عم الحظ مالك
ما تحس شوية بينا
ويا هرمون السعادة
اليوم ده ملوش إعادة
لو هتشربنا قهوة
أرجوك ماتكونش سادة