الحرب تشتعل بين سعد الصغير وبوسي لهذا السبب!

حرص الفنان سعد الصغير، على توبيخ المطربة بوسي ردا على تصريحاتها الأخيرة التي ذكرت خلالها، أنه يسعى إلى التريند، وأنها لم تطلب منه التدخل في شئون حياتها الخاصة.

وأضاف خلال تصريحات صحفية: "اللي جايب لها أغنية آه يا دنيا أنا، لما كان طليقها بيضربها ويحصل مشاكل كانت بتقول الحقني أنا ومحمود الليثي، لما دخلت السجن وكان عليها شيكات، ولما كانت هربانة بره البلد وطلع عينها، ومن الآخر مكنش معاها جنيه أنا اللي وقفت جنبها، دلوقتي بتقولي متدخلش".

وتابع: "بوسي دلوقتي بتقولي متتدخلش في حياتي؟!، إنتي مدخلاني في حياتك من ساعة ما ربنا خلقك، كل المشاكل أنا اللي كنت بخلصها".

بوسي تفتح النيران على سعد الصغير لهذا السبب!

وفي وقت سابق، وردت بوسي على تصريحات سعد الصغير بعد وفاة والدها الحاج محمد شعبان، مُتأثرًا بأمراض الشيخوخة، وقالت في تصريحات تليفزيونية: ميخصش سعد الصغير روحت لأبويا الجنازة ولا لأ، وأنا مبحبش حد يعمل تريند على قفايا، ليه بتدخل نفسك في حاجة متخصكش؟ هتقول زميلتك أنا مطلبتش منك تتدخل.

سعد الصغير يهاجم بوسي

وكان سعد الصغير، أعرب عن استيائه من بوسي، لعدم حضورها جنازة والدها.

وأكد: "زعلان من بوسي جدًا حتى لو أبوها جاحد كان ممشيها مبتاكلش، إحنا بنروح عزاء ناس مبنعرفهمش؛ تعتبر إنه بتاع أمن غلبان تروح تديله أي حاجة.. دي بتنزل من العربية وتدي بتاع الركنة 100 جنيه.. اعتبريه شغال معاكي في الفرقة.. الحنية محدش بيشتريها".