حلت الفنانة جيهان قمري ضيفة على برنامج قعدة ستات والذي تقدمه الإعلامية مروة صبري عبر قناة القاهرة اليوم، وكشفت خلال اللقاء عن حقيقة هجومها على الفنانة ياسمين صبري، في أحد اللقاءات، واختيارها ل دينا الشربيني والتي ترى أنها ممثلة جيدة. وقالت جيهان قمري: قولت إن ياسمين صبري بتتصور كتير لأن في حاجات معينة بتبقى أوفر، ووقتعل كنت بتسأل على أكتر من اسم وشفت من الناس دي كلها واحسن حد فيهم دينا الشربيني. وتابعت جيهان قمري: ياسمين صبري قمر وشكل يجنن وموديل تحفة وأيقونة، ومشفتش دور شفته ليها قولت وأو عليها، واللي يزعل يزعل ويتقمص، بس هي ممثلة مش جامدة.
https://fb.watch/lb0tyElyGT/?mibextid=qC1gEa
سبب ابتعادها عن الوسط الفني كما تحدثت جيهان قمري عن سبب اختفائها وابتعادها عن التمثيل السنوات الماضية، وقلة عروض الأعمال عليها من قبل المنتجين. وقالت جيهان قمري أثناء حوارها مع الإعلامية مروة صبري: أنا بتعامل على أني برا الوسط الفني فعلا عشان أنا براه بقالي سنين، معملتش دراما من 4 سنين، واشتغلت مسرح مع الفنان محمد صبحي من سنتين. وأضافت جيهان قمري: مش عارفة ليه مبيتعرضش عليا أدوار أو المنتجين يكلموني، وبستغرب الناس اللي بتكلمني تقولي إيه ده أنتِ هنا؟؟، بقولهم ما أنا هنا عايشة في مصرهكون عايشة فين. وأردفت جيهان قمري كاشفة عن سبب ابتعاد الوسط الفني عنها، قائلة: عشان أنا مش مزيفة، ومبعرفش أقول لحد أنت حلو وحبيبي وأخده بالحضن، ومعرفش أقول لحد أنت عامل حاجة حلوة من ورا قلبي، شخصية صريحة وبديك في وشك زي ما بيقولوا، بقالي 20 سنة في الوسط الفني عمري ما زعلت حد، بخلص شغلي وبمشي على طول جيهان قمري الممثلة انتهت في الاستوديو. ولفتت جيهان قمري إلى أن لديها جميع أرقام الفنانين ولكنها لم تتصل يومًا بأحد لطلب عمل، قائلة: عمري ما اتصلت بحد وطلبت منه شغل، الفن دلوقت كله شلالية وكل شلة بتشتغل مع بعض على طول، وفي ناس بتعمل أدوار صغيرة وبتظهر في كذا عمل، ولكن أنا معرفش أعمل ده لأني مش كده، ودايما طول عمري المخرج أو المؤلف اللي بيشوفوني في الدور بيبعتولي".
مواعيد برنامج قعدة ستات برنامج قعدة ستات تقدمه الإعلامية مروة صبري على شاشة القاهرة اليوم، وتستضيف خلاله عددًا من نجوم الفن، ويعرض يوم السبت من كل أسبوع في تمام الساعة 9 مساءً.
