بعد تصدرها التريند.. ما سبب انفصال شيرين عبدالوهاب عن مدير أعمالها إيهاب صالح وبهذه الطريقة يعتذر لها

تصدرت الفنانة شيرين عبدالوهاب، محركات بحث جوجل في الساعات الماضية، بعد احياءها الحفل الغنائي في مدينة جدة بالمملكة العربية السعودية، والذي تفاعل معها الجمهور السعودي، وفي الوقت الذي تحقق شيرين نجاح كبير في حفلها الأخير، يعلن إيهاب صالح مدير أعمالها الانفصال عنها.
اعلان مدير أعمال شيرين عبدالوهاب الانفصال عنها
أعلن إيهاب صالح، مدير أعمال شيرين عبد الوهاب، اعتذاره عن ادارة اعمالها عبر حسابه الرسمي بموقع "تويتر"، كاتبا:"جمهور شيرين العظيم، الحمد لله علي نجاح حفل جدة كما كان متوقع وده العادي بتاع شيري في أي حفلة، أجلت الاعلان بالقرار ده لحد بعد الحفلة وحابب أشكركم جدا على كم الدعم الرهيب في خلال الفترة إللى فاتت ليها في المقام الأول وطبعا بعد كدة ليا، قررنا إن من الافضل لينا إن نحط صداقتنا والعشرة قبل أي حاجة وإني ابتعد عن إدارة أعمالها وده أكيد لمصلحة الطرفين ولينا اسبابنا".
وأضاف: "مبروك وشكرا يا شيري من كل قلبي ويا رب اكون كنت على قد وعدي وكلمتي ليكي انى دايما في ضهرك والحمد لله الدنيا دارت من أول وجديد وتكسري الدنيا حفلة بعد حفلة وخلاص أهو الالبوم على أبواب ومتأكد إنه هينجح نجاح غير عادي".
كما تابع: " فرحان بشكل ملوش وصف بنجاحك ورجوعك بالقوي دي وده إللي اتعودنا علية منك طول السنين دي. أنا كدة كدة دايما موجود زي مانتي عارفة وربنا يديم كل اللي بينا على خير وأسف لو في أي لحظة كنت قصرت معاكي باي شكل".
وتابع: "أحب اشكر كمان جمهورك اكيد إللي مشوفتش منوا غير كل خير وحب، شكرا بجد من كل قلبي، طبعا واكيد شكر كبير لسيادة المستشار تركي ال الشيخ (أبو ناصر) على كم الدعم الكبير منوا، بمجرد إنه شاف صورة رجوعك للاستوديو وقد إيه كان مهتم ب شيرين ومقدر قيمتك وتقديرك بشكل يليق بيكي صوت احساس العرب وده مش غريب علية ودايما في ضهر كل الفنانين العرب كدة كدة. دي شهادة حق لازم تتقال".
و اختتم حديثه: "ربنا دايما يحبب فيكي خلقه ويبعد عنك أي شر بكل أشكاله ويكتبلك السعادة ، أتمنى التوفيق لمديرين الأعمال الجايين وادعمهم دايما بأي شكل أكيد عشان تفضلي دايما علي القمة".
حفل شيرين عبدالوهاب في جدة
قدمت شيرين عبدالوهاب خلال حفل جدة، باقة من أجمل أغانيها وسط تفاعل كبير من الجمهور، ابرزهم: "مشاعر، تاج راسك، على بالي، كتير بنعشق، خليتني أخاف، بياعين الصبر، متاخدة من الأيام، جرح تاني ".
كما طلبت شيرين عبد الوهاب، الغناء لمصر، وقالت لفرقتها الموسيقية: "ما تقسملنا حاجة كدا عشان نغني ل مصر حبيبة قلبي".