كل حاجة بالدلائل والشهود.. زوجة حسن شاكوش تنفي إصابتها بمرض

إنتشرت في الساعات الماضية تصريحات عن طليق ريم طارق زوجة المطرب حسن شاكوش عن أن سبب انفصالهما هو إصابة ريم بمرض وإنها لا تصلح للزواج ولذلك طلب منه أهلها انفصالهما بسبب مرضها.
ريم طارق تنفي مرضها
وقامت ريم طارق بالرد على تصريحات طليقها عبر خاصية ستوري بحسابها الخاص على موقع تبادل الصور والفيديوهات إنستجرام.
وكتبت معلقة: توضيح: الناس اللي بتسأل عن تفاصيل مرض ريم، ريم الحمد لله سليمة تماااااااااما من اي حاجة وكل حاجة سمعتوها من شياطين الأنس مش صحيحة نهائيًا. طبعًا كل حاجة بالدلائل والشهود احنا بس لما بنتكلم بنتكلم بالشهود والدليل مش اي كلام وخلاص.
وأضافت: تابعو لايف نرمين فيه مستندات وشواهد طبية صرحت بيها لأول وأدلة قاطعة على سلامة ريم الصحية والنفسية
يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ. صدق الله العظيم
رد ريم زوجة حسن شاكوش
تصريحات طليق زوجة حسن شاكوش
يشار إلى أنه كان أحمد طليق زوجة حسن شاكوش، قد تحدث عن تفاصيل قصته مع ريم طارق، وقال طليق زوجة حسن شاكوش، ببرنامج "تفاصيل" الذي تقدمه نهال طايل: اتفرض عليا الطلاق ومكنتش عايز أطلقها، وطلقتها وخدت حقوقها الكاملة، وأنا مرفوع عليا قضايا في المحاكم وخدت كل حقوقها أخدتها.
وتابع: الصدمة اللي اتفاجئت بيها إنها تتجوز تاني، وهي عندها تعب صحي لا يمكنها الزواج، وده ظهر بعد شهرين من زواجي منها، وأهلها كلموني عشان تتطلق.
وأضاف: أنا مقصرتش معاها، وقولت لأهلها مش عايز أطلق وأنا هعالجها، وروحت معاها لدكتور ولقيته بيقولي إنها لا يصح لها الزواج.
واستكمل: سلمتهم القايمة ومعايا شهود ونزلوا القايمة بالشقة في يومين، وكل الكماليات في البيت خدوها.

وأردف: "لقيت الشقة فاضية، وأنا معنديش مشكلة في الحاجة مش عايزها بس عايزهم يتنازلوا عن القضايا اللي رفعوها عليا.
طليق زوجة حسن شاكوش ينفي ضربه لها
ونفى تعديه عليها بالضرب أثناء زواجه لها: أنا مكنتش بضربها ومضربتهاش علقة موت، وعمري ما مامديت ايدي عليها، وكل مشكلة كنت بشتكي لوالدها.

سبب طلاق ريم طارق من زوجها السابق
وعن سبب الطلاق الذي وقع بينهما، قال: كان فيه ظروف معينة للطلاق ولما حصل مشاكل بيني وبينها، أهلها جابوا المأذون وقعدنا، ومعرفش أنا مرفوع عليا قضايا ليه بعد الطلاق؟، ومش طالب غير إني عايز أعيش في استقرار.