"اتنصب عليا أنا ومحمد رمضان!".. صادق عادل يتهم ملحن أغنية "لوناسين أفكركوا" بسرقته

اتهم الملحن صادق عادل صناع أغنية "لو ناسيين أفكركوا" بالسرقة، التي طرحتها شركة روتانا بعنوان "سالكين" كدويتو بين محمد رمضان وشاهيناز، وذلك عبر صفحته الشخصية موقع التواصل الإجتماعي "فيسبوك".

وكشف صادق عادل، أنه طرح الأغنية بعنوان "سالكين" بنفس الكلمات واللحن قبل 4 أشهر عبر الإنترنت، وهي من ألحانه وتوزيعه وكلمات فايتر، الذي شاركه الغناء.


يذكر أن، روتانا طرحت أغنية "لو ناسيين أفكركوا" بنفس الكلمات واللحن، حيث حملت أسماء أشخاص آخرين، حيث يشير تتر الأغنية إلى كونها من كلمات إبراهيم الجندي وإسلام شندي، ألحان شريف عبادة، توزيع ومكس وماستر إيهاب كولبيكس.

منشور صادق عادل

وقال صادق عادل، عبر صفحته الشخصية: "أغنيه النجم محمد رمضان الجديدة لو ناسيين أفكركوا من ألحانى ونازلة بصوتى من يوم 7/11 اللى فات يعنى من 4 شهور، والكل يقدر يسمعها قبل ما يقفلوها عشان وصلى معلومات أنهم بيحاولوا يقفلوها دلوقتي".


صادق عادل: أنا بتحداه يغنى اللحن بصوته

وتابع: "المهم إنى اتفاجأت أن مكتوب فى التتر أن الأغنية من ألحان الأخ شريف عباده، ودى فضيحة وسرقة علنى، مش لأنه مش ملحن الأغنية، لأنه مش ملحن أصلا، وأنا بتحداه يغنى اللحن بصوته أصلا".

وأكد صادق عادل: "أنا عايز حقى وبطلبه بكل أدب واحترام، ياريت كل الناس تساعدني أوصل صوتى وأجيب حقى من النصاب شريف عباده، لأن أعتقد أن النجم محمد رمضان وشركه روتانا تعرضوا للنصب، مستحيل يكونوا على علم بالسرقة العلنية دي والله أعلم".


كلمات أغنية "لو ناسين أفكركوا"

وتقول كلمات الأغنية: "لو ناسيين ماليش جناح عشان تقصوه ولا عيني ازاز عشان تكسروه مفيش تيكتات شبعنا من دول بس دماغنا اعلي م السوق حوالينا فيه كلاب كتيره بتحوم ع المصلحة ف ثانية بتقوم ع الجدعنة زميلي بتدوب الله الغالب كله مغلوب لو ناسيين افكركوا لو سالكين اقدركوا لو ناسيين افكركوا لو سالكين اقدركوا كل اللي فى ايدي انا قدمته قولي اعملكوا ايه".