دنيا سمير غانم تحتفل بذكرى ميلاد زوجها رامي رضوان

احتفلت الفنانة المتألقة دنيا سمير غانم بذكرى ميلاد زوجها الإعلامي رامي رضوان.
دنيا ورامي رضوان
حيث نشرت دنيا سمير غانم على حسابها الشخصي بموقع تبادل الصور والفيديوهات انستجرام صورة لها برفقة رامي رضوان وهنأته بذكرى ميلاد قائلة: "كل سنة وأنت طيب يا حبيبي ويارب دايما ناجح وسعيد وكلنا فخورين بيك".


تهنئة الفنانين بذكرى ميلاد رامي رضوان

وهنأتهم بعض الفنانات ومن بينهم الفنانة دنيا عبد العزيز، والفنانة رنا رئيس والتي جاء تعليقها "Godd bless you both".
دنيا ورامي رضوان
تعليقات الجمهور بتهنئة رامي رضوان

جاءت تعليقات الجمهور بكل حب وفرحة لهما وكانت "ربنا يخليكم لبعض، كل سنة وانت طيب وعقبال مليون سنه، الله يخليكم لبعض كل سنه هو طيب، كل سنه وهو طيب ربنا يخليكو لبعض ويحفظكم يارب".

تعليقات الجمهور
نجاح أغنية دنيا سمير غانم "نحنوح"

وكانت الفنانة دنيا سمير غانم قد طرحت أول أمس أغنية "نحنوح" على منصة "تيك توك" والتي حققت أكثر من 6 مليون مشاهدة عليه، وتم نشرها على موقع الفيديوهات الشهير يوتيوب أمس وحققت أكثر من 146 ألف مشاهدة وأكثر من 10 آلاف إعجاب.



طاقم عمل أغنية "نحنوح"

كلمت عليم، وألحان عزيز الشافعي، توزيع احمد عادل، تسجيل ومكساج وماستر هاني محروس، جيتار مصطفى أصلان، طبلة احمد عيادي، صولو كيبورد محمود شاهي.
كلمات أغنية "نحنوح" لدنيا سمير غانم

كله بيبدأ نحنوح
بعدها كل ده بيروح
كله بيضحك علي كله طول ما الموضوع لسة جديد
أنا سينجل من غير ليه
و المرتبطين خدوا إيه
غير بس دموع فركشة ورجوع
غير كام آهه وتنهيد
أصل انا مش هعرف أعيش محبوسة عشان قال متضايقين
ولا عمري هغير وهقول لك الننوسة دي تطلع مين
بشهادة الكل الحب بيخلص بعد تلات ايام
جاي انت عايز تقنعني انك هتعيشلي سنين وسنين
ياخي هأ هأ لا لا لأ لأ
ياخي هأ هأ هأ لا لا لا لا لا
أنا طول الوقت دماغي مش فيا
وخلقي ساعات بيضيق
معلش ماليش في الحب بتاعكوا ولا في جو التلزيق
انا واحدة صريحة وخدها نصيحة بدل نشفان الريق
أصل انا مش هعرف أعيش محبوسة عشان قال متضايقين
ولا عمري هغير وهقول لك الننوسة دي تطلع مين
بشهادة الكل الحب بيخلص بعد تلات ايام
جاي انت عايز تقنعني انك هتعيشلي سنين وسنين
ياخي هأ هأ لا لا لأ لأ
ياخي هأ هأ هأ لا لا لا لا لا
كله بيبدأ نحنوح
بعدها كل ده بيروح
كله بيضحك علي كله طول ما الموضوع لسة جديد
أنا سينجل من غير ليه
و المرتبطين خدوا إيه
غير بس دموع فركشة ورجوع
غير كام آهه وتنهيد
ياخي هأ هأ لا لا لأ لأ
ياخي هأ هأ هأ لا لا لا لا لا