عبير صلاح الدين: محمد صبحي حاربني.. واتظلمت وجالي اكتئاب

حلت الفنانة عبير صلاح الدين ضيفة عليطى برنامج "كلام الناس" الذي تقدمه الإعلامية ياسمين عز، علي قناة MBC مصر.

وحكت عبير صلاح الدين الشهيرة بعبلة في أول ظهور لها بعد مجيىها من كندا إلى مصر، تفاصيل معاناتها وسبب ابتعادها عن الوسط الفني لعدة سنوات، بجانب الحديث عن خلافها مع الفنان محمد صبحي.

وقالت إنها رفضت أن تستكمل تصوير باقي أجزء مسلسل ونيس لأنها شعرت أنها لا تقدم جديد، قائلة: "من حقي كممثلة أرفض الدور لو مش حاسة أني هقدم جديد، وأنا مش هحرق الشخصية بعد نجاحها، لأني فنانة بحب فريق العمل والمصداقية عندي أهم شيء، وما كنتش قادرة أعمل كده لأن الممثل مش آلة هتدوس على زراير يشتغل لأ لازم يكون في إحساس".

وأضافت: زملائي الفنانين قالوا لي كده مش هتشتغلي وهتعقدي في البيت، لكن أنا قلت الرزق بتاع ربنا وحاولت كتير لكن كل البيبان كانت متقفلة، لحد ما جالي اكتئاب خمس سنين من 2010 حتى 2015 وكل المحطات بتتقفل في وشي.

وأشارت عبير صلاح الدين، إلى أنها تعرضت للظلم وتم محاربتها لأنها رفضت أن تستكمل باقي أجزاء مسلسل ونيس وتشارك في الجزء السابع، قائلة: "من هنا حاربني محمد صبحي لأني قلت لا".

وأكملت حديثها قائلة: محمد صبحي حارب نجوم غيري كتير ولو لاحظنا هتلاقي إن الناس اتغيرت في مسلسل عائلة ونيس من أول جزء ل الجزء السابع؛ ودا لأن اللي بيقول لا أو بيزعل محمد صبحي بيموته في الموسم اللي بعده وبيسفره.

وأكملت عبير صبري: "الناس حذروني ونصحوني اعتذر لمحمد صبحي عشان ما أقعدش في البيت، ولكني مش ندمانة ومش هعتذر لأني مغلطتش ودا حقي كممثلة إني أقول لأ.

واستكملت: "وبدأت أحس بحاجة من نوع أنا االلي عملتك من غير ما تحسي، ويمكن التجربة دي خلتني اعيد تفكيري في حاجات كتير وحاولت اعمل مسلسل إذاعي مع عبدالله زي تامر وشوقية وقلت مش هطلع في التلفزيون لكن عبدالله ما كملش معايا من أول حلقة".