"صورتك لا تفارق مخيلتي".. رسالة مؤثرة من خالد عليش لابنته

شارك الفنان خالد عليش جماهيره رسالة مؤثرة إلي ابنته الصغيرة الراحلة عبر حسابه الشخصي علي "إنستجرام".

منشور خالد عليش
نشر خالد عليش صورة له بصحبة ابنته، وعلق عليها قائلا: " ابنتي العزيزة لن انساكي ابدا ليس لأني أملك ذاكرة قوية ولكن لأني امتلك قلبا لا ينسى، من كان وسيظل به صورتك لا تفارق مخيلتي صوتك يهمس دائما في اذني طيفك في أحلامي حاول أعتاد الصبر لعدم وجودك وانسجم في ملاهي الحياة لكن يظل حلم اللقاء هو الملاذ الوحيد، ربنا يجمعنا بخير قريب ويحنن القلوب ويدي كل واحد علي قد نيته "
تعليق زوجه خالد عليش علي البوست
كما علقت ميرهان عمرو زوجة خالد عليش قائلة: "ربنا كبير يا حبيبي ويا رب يا رب تبقى في حضنك قريب وتاخد كم الدلع والفسح وكل الحاجات الحلوة اللي نفسك تعملها معاها.. انت يا خالد أب أي أم تتمناه لولادها.. ربنا الحق يردلك حقك من كل واحد افترى عليك بكلمة ظلم وانت ساكت يا محترم يا أنضف خلق الله".

وفي سياق آخر تجددت الخلافات بين خالد عليش طليقته ميما الشامي، بعدما أخذ حكم برؤية ابنته 11 ساعة في الأسبوع.

تعليق ميما الشامي على خلافاتها مع طليقها خالد عليش
كتبت ميما الشامي عبر حسابها الخاص علي" فيسبوك " بوست قائلة: "لو في حد محتاج توضيح أو هيفهم هي ميما، للأسف عمري ما كنت هحكلها حاجة وربنا الشاهد على قراري كنت بحاول وكل المحاولات فشلت، والطرق الودية مكنتش نافعة وأقسم بالله العظيم دة اتقلي واتقال لأخواتي وأصحابي قضية الرؤية أنا رفعتها عشان أكسرك بس أنتي مبتتكسريش، هي الناس اللي بتهاجم وبتتكلم وبتقولو مبروك أنا ياجماعة كنت مدياله أكتر من 11 ساعة وعشان فلوس اعترض على الاستضافة ويشهد ربنا عليا، وعمر ما البنت كملت معاه 8 ساعات وكان بيرجعها".

وتابعت ميما الشامي حديثها قائلة" اتبسط وأبعت أي كلام مؤذي ليا وللي حوليا وأعمل كل اللي أنت عايزه فيا بس في الآخر ميما مش هتعرف، بس لما الناس عرفت إية الفكرة والله مش مستوعبة، كلامنا في الموضوع دة حقنا أحنا التلاته ليه تاخد قرار نيابة عنها وندخلها فيه، ليه في مدرستها والنادي من حق كل الناس توقفني تسألني عن صحة اللي بيتقال لية البنت تسمع كلام عن مامتها وباباها عشان حد فينا ينتصر؟، والله العظيم أنا مبفكرش في أني أبان صح أنا بفكر في بنت ملهاش ذنب من حقها كانت تعيش في سلام بنا حتى لو حد فينا سيء ".

واستكملت قائلة:" لو بايدي دلوقتي أعمل أي حاجة عشان اسم بنتي ميبقاش متداول بالشكل ده كنت عملت، قرار المحكمة ليس انتصار ومش ضد رغبتي بس للأسف أنت خسرت، خسرت أنه مهما المشاكل كانت بنا كانت هتفضل بنا وكان ممكن يوم تتنسي ومتوصلش لبنتنا، للأسف هتفضل البنت تدفع تمن شهرتك وتراندات اتعملت عليها، أرجوكم التزموا الصمت عشان خاطرها مش عشاني".

وختمت البوست قائلة: واسفة مرة تانية انا مش هعمل اي حوار مش هدي أي تصريح مش هطلع أي لايف ولو بايدي اعمل المستحيل عشان اشيل صور بنتي من الأخبار اللي نزلت عننا، بيتهيالي كدة كل حد كان نفسه في حاجة عملها وكل كان نفسه في حاجة قالها وكل اللي كان عايز يبان إنه بيدعم بان كفاية بقى وكل واحد يشوف حاله وحياته وشغله ونفكر بعقل ازاي هتعدي البنت المحنة دة وتبقى سعيدة ومبسوطة مع كل اللي بيحبها وميضرهاش وربنا يكتب للجميع الخير ويهدي كل واحد غلط في حقها".