طليقة خالد عليش عبر الفيس بوك: "أرجوكم التزموا الصمت عشان خاطر بنتى مش عشاني"

علقت ميما الشامي، طليقة الإعلامي خالد عليش، على واقعة حكم الرؤية بمحكمة الأسرة، حيث كتبت منشور على حسابها الشخصي عبر موقع التواصل الاجتماعي 'فيس بوك'، قائلة: 'لو في حد محتاج توضيح أو هيفهم مين هي ميما، للأسف عمري ما كنت هحكلها حاجة وربنا الشاهد على قراري كنت بحاول، وكل المحاولات فشلت، والطرق الودية مكنتش نافعة وأقسم بالله العظيم دة اتقلى وأتقال لأخواتي وأصحابي'
موضحة مقصد عليش من هذه القضية،: ' قضية الروية أنا رفعتها عشان أكسرك بس أنتي مبتتكسريش، هي الناس اللي بتهاجم وبتتكلم وبتقولو مبروك، أنا ياجماعة كنت مدياله أكتر من 11 ساعة، وعشان فلوس أعترض على الاستضافة ويشهد ربنا عليا، وعمر ما البنت كملت معاه 8 ساعات وكان بيرجعها، أنا بس عايزة اقولكم إن الموضوع مليان تفاصيل كتير، وكل كلامي مع الطرف الآخر مهما كان مين اللي غلط واللي بيعند بلاش، التشهير بلاش نكتب للناس مش هنوصل لحل بلاش عشان ميما'.
موجهت ميما، حديثها لعليش،: 'على كلامك ربنا نصرك(مع أني شايفة إنك كنت واحد أكتر من الحكم دة بالود) اتبسطت وبعت اي كلام مؤذي ليا وللي حوليا واعمل كل اللي أنت عايزه فيا بس في الآخر ميما، مش هتعرف بس لما الناس عرفت أيه الفكرة والله مش مستوعبة
معنديش مشكلة برضو إن الناس تعرف بس ليه، كلامنا في الموضوع دة حقنا إحنا التلاته ليه تاخد قرار نيابة عنها وندخلها فيه، ليه في مدرستها والنادي من حق كل الناس توقفني تسالني عن صحة اللي بيتقال لية البنت تسمع كلام عن مامتها وباباها؟، عشان حد فينا ينتصر؟
طيب من وجهة نظركم اللي انتصر خلاص انتصر وبين وجهة نظره'.
وقالت ميما:'أنا أقدر أتكلم واطلع لايف وبرامج ومعايا الأدلة بس والله العظيم أنا مبفكرش في إني أبان صح، أنا بفكر في بنت ملهاش ذنب من حقها كانت تعيش في سلام بنا حتى لو حد فينا سيء، مين الصح أو مين الغلط ربنا اللي يحكم مش الناس، طبعاً أنا حاولت أقول الكلام دة للطرف التاني كتير، أنا بعدت بعدت من زمان قوي وبعدت جداً عن كل حاجة، ومش عايزة انتصر ولا اكسب التعاطف يارب كل الناس تقول غلط بس بعيد عن بنتي، لو بايدي دلوقتي أعمل اي حاجة عشان اسم بنتي ميبقاش متداول بالشكل دة كنت عملت.
ورجت ميما من متابعيها: 'رجاء وتوسل مني الناس مش عارفين أي حاجة قرار المحكمة ليس انتصار ومش ضد رغبتي بس للأسف انت خسرت خسرت أنه مهما المشاكل كانت بنا كانت هتفضل بنا وكان ممكن يوم تتنسي ومتوصلش لبنتنا، للأسف هتفضل البنت تدفع تمن شهرتك وتراندات اتعملت عليها، أرجوكم التزموا الصمت عشان خاطرها مش عشاني، واسفة مرة تانية أنا مش هعمل أي حوار مش هدي أي تصريح مش هطلع أي لايف ولو بأيدي اعمل المستحيل عشان اشيل صور بنتي من الأخبار اللي نزلت عننا'.
وأضافت:' بيتهيألي كده كل حد كان نفسه في حاجة عملها وكل كان نفسه في حاجة قالها وكل اللي كان عايز يبان انه بيدعم بان كفاية بقى وكل واحد يشوف حاله وحياته وشغله ونفكر بعقل ازاي هتعدي البنت المحنة دة وتبقى سعيدة ومبسوطة مع كل اللي بيحبها وميضرهاش، وربنا يكتب للجميع الخير ويهدي كل واحد غلط في حقها'.
وكتبت تعديل تاني: 'أنا مش هتناقش في امور بنتي عالفيس بوك عشان الكومنت اللي اتكتب، يا جماعة اقرو البوست وافهمو بقول كفاية نقوم نتفق هيحصل اية في الكومنتات واجي امتى وانا جاي بكرة، لا حول ولا قوة الا بالله، هو اللي بيحصل ده حقيقي ولا بيتهيالي'.
ثم كتبت تعديلًا آخر: 'ورحمة ابويا ما هيكون عندي رد تاني مهما اتقال واتنشر صور وسكرينات لان واضح ان مفيش فايدة وهتفضل نتكلم ونرد ونشير ومش هنوصل لخير ابدا، والله كل حاجة ليها رد واثبات وكل كلمة بتتقال مش حقيقية سيباها لربنا يظهر الحق'.