"من داخل الكونسر ڤتوار".. تامر حسني يروي قصة لجمهوره

يحرص النجم تامر حسني، دائمًا على مشاركة جمهوره حياته الشخصية بخطوات نجاحه منذ بداية مشواره الفني حتى هذه اللحظة ليمدهم بالأمل والعزيمة، حيث نشر اليوم حسني، صورة جديدة له مع أطفال من داخل معهد الكونسر ڤتوار".
وعلق حسني، على الصورة قائلًا،:"
يا نهار الشوق على اجمل ناس الصوره دي من تصوير اعلان جديد ليا بس تعنيلي كتير اوي، عشان كدا حبيت اكلمكم عليها وبعد ما اخلص كلام هتتأكدوا انها تعنيلكوا انتوا كمان،،،. هحاول اختصر".
وتابع: "سنين كنت مكان الاطفال الجميله دول بدرس الموسيقى هنا في الكونسير ڤاتوار ولما كان يدخل علينا فنان مشهور كنا بنفرح اوي وبيبقى عندنا حالة ذهول وكنت بقول يارب في يوم من الأيام أكبر وأنجح وادخل نفس الدخله دي وانا فنان مشهور واشوف نفس النظرة الجميلة دي في عيون التلاميذ والأستاذة.".
وأضاف: "لحقيقه اني لما دخلت عليهم شفت نظره أكبر بمليون مره من اللي حلمت بيها، نظرة حب وبكاء ومثل اعلى واسأله كتير منهم عن مشواري وفضلت يوم كامل اثناء التصوير بحكيلهم وبشجعهم، واتمشينا في كل مكان جوه المعهد درست فيه ولعبت فيه".
وختم حديثه : "هقول حاجه وكل واحد يقيسها على مجاله،،، اكتر حد فيكوا هيحب النظره والمعنى اللي في الصوره وهيتمناه وهيتعب له، هو اول واحد هيوصله
بس كدا.. نهاركم جميل زيكم".