تحذيرات وإصدار قوانين حادة.. أبرز تصريحات الرئيس السيسي بشأن الزيادة السكانية

أدلى الرئيس عبد الفتاح السيسى بعدة رسائل مهمة بشأن خطورة الزيادة السكانية خلال افتتاحه عددا من المشروعات فى قطاع الصحة بمحافظة الإسماعيلية.
وترصد "الفجر" في السطور التالية أبرز تصريحات الرئيس السيسي بشأن زيادة السكانية:
تحذير من الزيادة السكنية:
حذر الرئيس عبد الفتاح السيسي، من الزيادة السكانية، قائلا:"النمو السكان ما لم ينخفض الى 400 ألف في السنة صدقونى لن نشعر أبدا وتفضل الدولة تجري.. مش الدولة اللى بتصرف ده الشعب المصرى اللى بيصرف، مش احنا اللى بنعاني الشعب هو اللي هيعاني.. انا بعاني كمسؤول.. لكن في النهاية ابنك او بنتك مستوى التعليم هيبقى جيد ولا مش جيد.. فرصة التغذية تبقى كويسة ولا لأ؟، ويروح يلاقى فرصة عمل ولا لأ؟، هي الحكاية كده مش الحكاية صرف 13 مليار".

أزمة زيادة السكنيه تحتاج المصريين:
وأكد الرئيس السيسى، أن مواجهة الزيادة السكانية تحتاج إلى إرادة حقيقية من المصريين، لمواجهة آثارها الكبيرة فى مواجهة التنمية.
وأضاف: "الامر يحتاج إلى إرادة.. وهذه القضية للشباب والشابات المتزوجين.. الزيادة السكانية في منتهى الأهمية.. للحفاظ على صحة الأطفال.. وإن كان لدينا مليون طفل تقزم و2 مليون عندهم انيميا و3 أو 4 ملايين لديهم سمنة.. هنا مفيش انتباه للأطفال.
السيسي يطالب بعقد منتديات:
وطالب الرئيس عبدالفتاح السيسي، بعقد منتديات لمناقشة القضية التى وصفها بالخطيرة.
وقال الرئيس: تحدثوا مع أبنائكم باستفاضة واعملوا منتديات لده، لأن دى قضايا خطيرة تؤدى إلى عدم تقدم الدول وعدم الشعور بتحسن الأحوا، ويقولك ده عيب الحكومة، ولكن ده مش عيب حكومة، وانا والله مش بدافع عنها، لا الحكومة دى ولا الحكومات السابقة لغاية 20 سنة فاتت، طيب الحكومة دي أشطر من اللى فاتت ممكن لا بأس، بنتعلم وبنتشطر وبنتحسن".
إصدار قوانين حادة:
ولفت الرئيس السيسى، الي أن التعريف بخطورة النمو السكانى مهم جدا لكل الأسرة المصرية في الريف والحضر، قائلا: "أكثر من طفلين مشكلة كبيرة جدا".
وتابع السيسى: "لا نسعى لحل هذه المشكلة من خلال إصدار قوانين حادة.. مش كل الأمور ممكن تتعمل بشدة.. واحنا شغالين على برنامج لمواجهة الزيادة السكانية.. ونوفر الخدمات المطلوبة لهذا الأمر".
النمو السكاني أمن قومي:
وقال الرئيس عبد الفتاح السيسى، إن: "النمو السكاني أمن قومى، لأنه في النهاية بيخلي الناس تبقى مش راضية.. وطالما المواطن مش راضى هيبقى مُستَفز.. وممكن حد يعبث بعقله ويقوله إنت اللى انت فيه ده، ده عيب دولة وعيب حكومة".
وأردف"اللى احنا فيه ظروف حالة.. حالتنا.. مش أبدا عيب حكومة بغض النظر عن أداء أى حكومة وأى رئيس، وبقول لكل مفكر وكل مثقف وكل سياسى بيتكلم فى الموضوع ده، وبيهمه أمان واستقرار مصر، لازم يعرف إن عمره ما هيحصل ده إلا لما يكون فيه أرقام معتبرة تلبى حاجات ومطالب الناس".
تحسين أحوال المصريين مش بالثورة فقط:
وأكد الرئيس السيسى، أن تحسين أحوال المصريين متربط بحجم الإنفاق الحكومى المناسب لعدد المصريين.
وتابع الرئيس السيسى: "في 2011 عملتوا ثورة.. وخرجتوا لتحسين أحوالكم.. المفروض إن الناس تعرف أن الأحوال مش بتتحسن إلا لما معدلات النمو السكانى تتناسب مع قدرتنا الاقتصادية وقدرة التشغيل والموازنة العامة".
التعامل مع أزمة الزيادة السكانية بشكل طموح:
وأوضح الرئيس عبدالفتاح السيسى، أن بعض القضايا لا يمكن طرحها فى بعض الأوقات، هناك أولويات ومراحل للتعامل مع أزماتنا، مضيفا: " فيه موضوعات مينفعش نطرحها فى أوقات معينة، ولكن وجب التعامل مع أزمة الزيادة السكانية بشكل طموح"، مضيفا: "اشمعنا لو جيت أقول نزود المرتب ألف هاتقولولى 10 آلاف، طيب اشمعنا الحتة دى، لا أنا عشمان وبأمل فى الحكومة".
وتابع: "والله بتحملوا نفسكم وأولادكم والدولة.. ويفضل المسلسل شغال خراب في خراب، تاني بتكرر الكلام بتاع الثورات أيوة الناس عاوزة تعيش، طيب تعيش إزاى؟ الأساس هو استقرار الدولة المصرية والحفاظ على أمنها وسلامتها و100 مليون يبقوا فى أمان وسلام"
نحتاج إلى تريليون دولار:
وكشف الرئيس عبد الفتاح السيسى، أن الشعب المصرى لن يشعر بأى إنفاق حقيقى مناسب بدون ضبط معدلات الزيادة السكانية.
وأستكمل"دولة زى مصر عدد سكنها 100 مليون.. نحتاج إلى تريليون دولار وتقريبا 16 تريليون جنيه مصرى.. ده الرقم اللى يتناسب مع عدد سكنها.. ولو الرقم ده مش موجود سوف يؤثر على كل القطاعات بشل سلبى ولن تجدوا ما تتمنوه".
الدولة تشهد انخفاضا في الزيادة السكانية:
وأشار الرئيس السيسى، إن حديث الدكتورة هالة زايد وزيرة الصحة، لدكتورة هالة السعيد وزيرة التخطيط عن تأثير الزيادة السكانية واستعراض تجارب الأخرين في مواجهة الزيادة السكانية ونتائجها هام للغاية، مشددا على أن الدولة المصرية لم تشهد انخفاضا في الزيادة السكانية بنفس المعدلات الخاصة بالدول الأخرى.
وأضاف السيسى: "فى أفضل حالتنا معدل الزيادة السكانية 3.3.. فى الوقت اللى كان غيرنا 1.5 و2.1 و2.8.. يعنى إحنا برضة لم نصل إلى معدلات معتبرة فى الانخفاض السكانى".

وتابع السيسى: "السيناريو اللى قالته وزيرة التخطيط أمل الحكومة وجهدها.. وبطبيعة الحال هناك إجراءات ونجاح غير مسبوق.. ونحتاج إلى هذا من أجل أولادنا".