"رغم جدية المشاهد.. مسلسل "النهاية" لم يسلم من تعليقات الجمهور الساخرة: "دماغنا مش مستوعبة"

برغم واقعية أحداث مسلسل النهاية، وتغلب الخيال العلمي علي أغلب مشاهدة، إلا أنة لم يسلم من تعليقات الجمهور الساخرة الغريبة، التي تعبر عن إعجابهم بالمسلسل تارة، وعن النقد تارة أخري، حيث عبر المتابعين عن إعجابهم بالحلقة الأولي وخصوصا مشاهد تحرير القدس بعد 100 سنة من احتلال فلسطين، وعبر البعض الآخر عن مدي رقي المشاهد وأنها تحتاج لعقول راقيه ولعقليات كبيرة كي تستوعب هذا الإبداع.

يرصد "الفجر الفني" أبرز هذه التعليقات، وجاءت كالتالي:

_" هو يوسف الشريف دا دماغه فيها إيه يا جماعة ، إيه مسلسل "النهاية" دا، بتجيب الافكار دي منين، إية الإبداع دا ".

_" حقيقي المسلسل خطفي اللي هو في إية، لحظه أفهم بس إيه اللي بيحصل، المسلسل شكلة مختلف جداً، علي الرغم من أن دماغنا مبتستوعبش الجمال دا شابو بجد لحد عايز يطور عقلية المشاهد ومحترمهم. "

_"الأستاذ يوسف الشريف حالف ما يعمل فيلم أو مسلسل من غير ما يخليني في النهاية مش فاهمه حاجه و اللي هو إيه اللي كان بيحصل دا يعني ميت ولا عايش و حكايتك إيه دلوقتي. "

_حاسه وأنا بحضر مسلسل النهايه إني قاعده مركزه لتقع مني كلمة ف مفهمش إيه اللي بيحصل، خوفتني من المستقبل أكتر ، ياتري ربنا هيسيب ويصبر علي العالم لحد ما يبقي فالوضع بتاع المسلسل دا.

_"جماعة سوري معلش. بس إيه مسلسل النهاية دا؟ إيه اللي عامله يوسف الشريف دا؟ وفي حاجات كتير متاخده من "the handmaid's tale" مش عارفه مستغرباه ومش عاجبني خالص لحد دلوقتي".

_"انا مش فاهم ايه اللى يضايق في أن أبرز نجاح فنان يستاهل انى أدعمه فعلاً لأنه ممثل دايماً أعماله هادفه وبتوصل ليا رساله وبتفيدينى ؟ وهقول سبب بسيط خالص للناس اللى مستغربه، الراجل دا انا متابعه من ايام المواطن X عمري ماشوفتله مشهد مش كويس ف اى مسلسل".

_"خيال علمي ايه اللي المصريين يعملوه دا البت بتقولك الروبوت ده جوزي".

_" إيه ياعم جو الجحود والعظمه دا، دا مش دراما مصريه أبداً مش مصدق نفسي عظمه أوووووووي يعني جو تاني خالص وشغل عالي أوووي إيه العظمه دي شغل فاجر أنت هتودي الدراما المصريه في عالم تاني، حاسس بشوف عمل أجنبى مش عارف اعبر عن إعجابي، شابووووووووو يوسف الشريف.

-"وأنا بشوف برومو النهاية بتاع يوسف الشريف لا إراديا حسيت إني بتفرج فيلم هوليود، وكان في، في دماغى إيه العربى دا رفعوا سقف توقعاتنا للسما فعلا".

وفي سياق أخر تدور أحداث مسلسل "النهاية" حول خيال علمي، في عام 2120 ومحاولة يوسف الشريف الذي يعمل مهندسا التصدي في مواجهة تأثير التكنولوجيا على العالم، ولكن يتغير كل شيء، حينما يقابل إنسان آلي مستنسخ منه

وشارك في بطولة هذا المسلسل كل من يوسف الشريف، عمرو عبد الجليل، محمد لطفي، أحمد وفيق، سهر الصايغ، أحمد صبري غباشى، ناهد السباعي، حسام داغر، وأخرون، تأليف عمرو سمير عاطف، إخراج ياسر سامي، محمد الطحاوي.