"أمهات مصر": أولياء الأمور يرفعون حالة الطوارئ استعدادًا لامتحانات نصف العام

قالت عبير أحمد مؤسس اتحاد أمهات مصر للنهوض بالتعليم، إن أغلب أولياء الأمور رفعوا حالة الطواري استعدادًا لامتحانات الفصل الدراسي الأول بجميع المراحل التعليمية.
وأضافت عبير، في تصريحات صحفية، إن أولياء الأمور بدأوا مراجعات مع أبنائهم الطلاب بالإضافة إلى مذاكرة الدروس الجديدة أول بأول، مشيرة إلى أن هناك أولياء أمور لديهم ثلاث طلاب في مراحل مختلفة ويعانون أشد المعاناة معهم في المراجعة والإستعداد للامتحانات، وفي المقابل يستغرق الطلاب وقت إضافي في الدروس الخصوصية.
وطالبت مؤسس اتحاد أمهات مصر للنهوض بالتعليم، جميع أولياء الأمور بتهيئة الجو المناسب لأبنائهم خلال أيام المراجعة وفترة الإمتحانات بعدم الضغط عليهم حتي يستطيع الطلاب الفهم والإستيعاب والتركيز في هذه المرحلة، مستطردة: "الضغط الزيادة هيؤدي لنتيجة عكسية وهيخليه يتعقد، وبالتالي لازم منضغطش على أولادنا ونراجع معاهم ونتابعهم أول بأول بهدوء".
وتفاعل أولياء الأمور علي صفحة اتحاد أمهات مصر للنهوض بالتعليم، في الفيس بوك، وقالت ولي أمر: "بالنسبة لى أنا عندى طفلة ف kg2 وبنت في سادسة لغات تجريبى وولد أولى ثانوى لغات تجريبى، الكى جى تقريبا ليل نهار بعمل لها نشاطات لا تنتهى والبنت التانية بتابعها عن بعد ولسه لم نبدأ مراجعة أولى ثانوى ومش بشوفه لأنه بياخد دروس كتير"، وتابعت أخري: "المراجعه عذاب، لسه مخلصناش مراجعه وبعدها نحل امتحانات وربنا يستر".
وأضافت ولي أمر أخرى: "عندي 5 بحل معاها امتحانات واللي نسياه بفكره بيها، وتانيه اعدادي نفس الوضع، أما اولي ثانوي معذباني حاسه انها في إجازه ومكبره دماغها لأنها ضغطت نفسها جدا من أول السنه لحد قرار الوزير الجديد وربنا معانا"، واستكملت أخري: "عندي توأم بالصف الثالث الابتدائي، وابني الكبير أولي اعدادي، وعندي السكر والضغط من المنهج".
وقالت ولي أمر أخري: "احنا بقة أعجب مدرسة على الإطلاق، لسه هنمتحن كويزات الشهر الأسبوع القادم ان شاء الله، والمدرسين بيقفلوا المناهج واحنا ملبوخين في مذاكرة منهج نوفمبر، شوفتوا الهنا اللي احنا فيه"، وذكرت أخرى: "بنحاول نخلص المناهج ونهتم بالدروس الجديدة شوية علشان مش هتاخد وقتها في المذاكرة ونعمل جدول للمراجعة وربنا يوفقنا جميعا، وبشتري الجمهورية للمراجعة للاعدادية".