حقق الفنان أكرم حسني أمنية طفلة من ذوي الاحتياجات الخاصة تدعي زينة، بعد أن طلبت لقائه لتعرب له عن حبه، وهو ما دفع "حسني" لاستضافتها في موقع تصوير مسلسله الرمضاني "الوصية". وأعرب "أكرم" عن سعادته بلقاء زينة، حيث نشر صورًا وفيديو جمعه بها خلال اليوم الذي قضياه سويًا، وذلك عبر حسابه الرسمي بموقع "فيسبوك"، وكتب: "زينة، امبارح وأنا بصور لقيت ناس كتير من قرايبي وأصحابي باعتينلي بوست بيطلب من الناس اللي يعرفوني يبلغوني ان في بنت بتحبني نفسها تشوفني ولأني عارف اننا مشغولين في التصوير لحد نهاية رمضان و مش هافضي قبل كده ف تواصلت مع بابا و طلبت منهم يجولي التصوير النهاردة.. لحد هنا والموضوع عادي، لكن اللي مش عادي بقي لما زينة جت النهاردة وقابلتها، والله العظيم انا ما شفتش في حياتي بنت بالجمال ده ولا خفة الدم دي و لا اللماضة دي ولا الحنية دي ولا القدرة علي التعبير عن احساسها بالجمال ده لدرجة اني حسيت اني أنا اللي كنت محتاج اشوفها مش هي.. إحساس عظيم انك تأثر في حد وانك تحس ان ربنا جعلك اداة تسعد الناس وإنت كمان تبقي سعيد لما حد منهم يظهر لك حبة. وأضاف: "ربنا يحميكي يا زينة يا حبيبتي و يبارك لك في اهلك المحترمين الطيبين الجدعان اللي اتشرفت اني قابلتهم و اتعرفت عليهم.. أنا في منتهى السعادة".