كيف تشتري أفضل تليفزيون

على الرغم من أن كل بيت في مصر أصبح فيه تليفزيون، إلا أن التطور الكبير في صناعة التليفزيونات، والدقة المميزة اللي بتقدمها الشركات الحديثة المتخصصة في تصنيع وتسويق وبيع التليفزيونات بتنتج لنا كل يوم تليفزيونات بجودة شاشة أفضل، وبأمكانيات أعلى، وبتفضيلات مميزة، كل الأمور دي بتدفع كثير من المستخدمين لأعادة النظر في التليفزيونات القديمة اللي عندهم، وضرورة استبدالها بتليفزيونات جديدة متطورة وحديثة وقادرة على تلبية طلباتهم اللي بتزيد يوم بعد يوم.
لكن مع توافر عدد كبير من الأنواع وتشكيلات مختلفة من الأسعار والأمكانيات، وظهور مصطلحات زيالتليفزيون الذكي أو جودة عرض 4K و Full HD وغيرها من المصطلحات، بعض المستخدمين بيجد صعوبة في تحديد التليفزيون الذكي المناسب له، مش بس بخصوص الإمكانيات لكن كمان بخصوص حجم التليفزيونوالشاشة وهل هاتكون مناسبة في المنزل أو الغرفة أم لا.
ليه تغير تليفزيونك القديم؟
زي ما قولنا. الدنيا بتتطور طوال الوقت، والتليفزيونات القديمة مش بتقدم نفس نقاء الصورة، خاصة مع انطلاق معظم قنوات الستلايتدلوقت بتقنية الدقة العالية HD. كمان مع تطور الزمن وانتشار التليفونات الذكية، أصبح هناك حاجه لمشاهدة الصور والفيديوهات من الموبايل للتليفزيون مباشرة، وده مش هايحصل غير بوجود تليفزيون حديث. ومتطور وقادر على المزامنة مع التابلت أو التليفون الذكي.
أما أهم ما بتقدمه التليفزيونات الحديثة. بتتمثل في أن التليفزيونات الحديثة ينفع تعرض من خلالها أفلام ومسلسلات من يوتيوب مباشرة، أو حتى تستعملها للدخول على الأنترنت وعرض البرامج المفضلة لك بدون فواصل. أو حتى تشترك في بعض التطبيقات اللي بتتيح الأستماع لموسيقى ومشاهدة أفلام ومسلسلات بلا حدود زي Netflix و Hulu و Spotify وغيرها من التطبيقات. يعني بيتفتح أمامك عالم من الترفيه والمتعة بلا حدود.
أشتري التليفزيون الجديد كام بوصة؟!
ده واحد من أكتر الأسئلة اللي بتحير المستخدمين، حجم الشاشة المناسبة للغرفة اللي بنشتري التليفزيون علشان نضعه فيها. وللأسف كتير من المستخدمين بعد شراء التليفزيون بيكتشفوا أنه اما أكبر من حجم الغرفة بشكل كبير أو أصغر بشكل غير متوقع، وفي الحالتين ده مضر بالبصر على المدى الطويل وبيعطي الغرفة شكل غير متناسق على مستوى الديكور.
وعلشان نعرف الحجم المناسب لبوصة التليفزيون لازم نقيس المسافة بين شاشة التليفزيون وبين مكان الجلوس، ونقسمها على 1.6 والناتج هو حجم التليفزيون المناسب. لكن لازم نفهم أننا لازم نقدر مساحة للمسافة بينالتليفزيون والحائط لأننا مش هاينفع نضع التليفزيون بحيث يكون ملاصق للحائط تماما.
أما لو قسمنا المسافة بين مكان التليفزيون وبين مكان المشاهدة على 2.5 هايكون رقم أقل بوصة ممكن تناسب المكان، والرقم ده بيكون مناسب أكتر في حالة شراء تليفزيون أضافي لغرفة النوم أو غرفة الأطفال أو أيتليفزيون أضافي للمنزل بشكل عام.
ميزانية التليفزيون الجديد
تعتبر الميزانية واحدة من أهم العوامل اللي بتحدد شراء التليفزيون الجديد، والنهرده بنشوف أسعار متفاوته للتليفزيونات، بالتالي تحديد الميزانية قبل أتخاذ قرار الشراء بيكون له دور مهم في تحديد التليفزيون المناسب.
وبعض الناس بتقول أن كل ما يزيد تمن التليفزيون كل ما يكون أفضل، وللأسف الكلام ده مش دقيق بنسبة 100% لأن بعض خصائص التليفزيون مش بنستعملها وفي نفس الوقت بنجد نفسنا بنتحمل ثمنها، بالتالي لازم نحدد الخصائص اللي محتاجينها من التليفزيون قبل الشراء علشان لا ندفع ثمن إمكانيات مش بنستعملها.
تشتري HD أم 4K
البعض بيتلخبط في المقارنة بين جودة صورة HD و 4K لكن ممكن باختصار نقول أن جودة صورة 4K هي الأفضل والأعلى، لأنها بتقدم وضوح الوان عالي جدا بيخلي عين المشاهد تشعر كأنها بتشوف المشهد بشكل واضح وطبيعي جدا، وده بدرجة وضوح أعلى من HD واللي على الرغم من وضوحها الكبير لكنها أقل من 4K
لكن مش معنى أن تليفزيونات 4K هي الأوضح في الصورة أنها الأفضل، وده بسبب ارتفاع أسعار تليفزيونات 4K بشكل عام، بالأضافة لأن درجات الوضوح العالية مش بتبان في التليفزيونات غير فوق ال 65 بوصة. بالتالي بننصح لو هاتشتري تليفزيون أقل من 65 بوصة مش هايفرق في الحالة دي مدى جودة الصورة.
وبشكل عام ممكن نشوف جدول المقارنة التالي بين جودة 4Kو HD من حيث دقة الصورة وجودة الألوان والفروقات في السعر.
الوصلات والريموت كنترول
لما تشتري تليفزيون جديد هاتكون محتاج توصل مجموعة من الأجهزة به. مبدئيا هاتحتاج توصل جهاز ريسيفربالأضافة لضرورة وجود فتحات توصيل باقي الأجهزة زي ال Playstation أو Xboxبالأضافة لتوصيل هارد ديسك خارجي أو فلاش ميموري وغيرها من الأجهزة اللي بتشتغل بالتكامل مع التليفزيون. علشان كده بتعتبر واحدة من أكبر نصائح شراء التليفزيونات هي اختيار التليفزيون صاحب أكبر عدد من فتحات التوصيل.
كمان لازم نهتم بتوزيع الفتحات دي بشكل متوازن على يمين ويسار التليفزيون أو حتى في الأمام لسهولة توصيل الأجهزة المختلفة، ولضمان عدم تعرض الوصلات للكسر أثناء توصيلها أو سحبها من التليفزيون الجديد.
أما بخصوص الريموت كنترول، من الأفضل شراء تليفزيون بيأتي معاه ريموت ذكي Smart Remote واللي بيسهل التحكم في التليفزيون وبيخليه أشبه ما يكون بتحكم الماوس في الكمبيوتر. لكن لازم نهتم بعدم وقوع الريموت على الأرض لأنه بيكون حساس جدا للصدمات، بالأضافة لارتفاع ثمن قطع الغيار وأجهزة الريموت الجديدة.
الضمان وخدمات ما بعد البيع
وأخيرا فأن واحدة من أهم الأمور – واللي بينساها معظم المستخدمين – هي السؤال عن الضمان وخدمة ما بعد البيع وتوفر مراكز الصيانة وقدرتها على تلبية احتياجات المستخدمين. وكتير من المشرتين بيكتشفوا بعد شراء التليفزيون أن لا يوجد له ضمان أو قطع غيار متوفرة، ودي بتكون من أسوأ المفاجأت اللي مش عاوزينها تحصل لكم.
موقع ياقوطة هو محرك بحث الكتروني مصري متخصص في مقارنة أسعار مواقع التسوق الإلكتروني وتقديم أدق أسعار السلع للمستخدم النهائي من خلال مقارنة سعر السلعة على مواقع التسوق الإلكتروني وتقديم الأدق والأحدث للمستخدم خلال ثواني معدودة.
كما توفر ياقوطة معلومات سريعة مفيدة جدا للمشترين مثل زمن التوصيل وسعر الشحن وتقييمات المستخدمين وكل المعلومات المهمة الأخرى.
ولا تقدم ياقوطة أي تسويق لأي منتج، لكنها توفر أداة قياس غير متحيزة، وقادرة على المقارنة بين عدد ضخم من المتاجر الإلكترونية في نفس الوقت، وتقديم الأفضل للمستخدم النهائي، الذي وجد في هذا الموقع ضالته بعد تضييع الكثير من الوقت والجهد لمقارنة الأسعار، أو حتى الوقوع في فخ المتاجر الوهمية، حيث لا تضم ياقوطةسوى المواقع التي تمر باشتراطات الجودة والأمانة التي يحددها الموقع.
وتضم المنتجات التي تعرضها ياقوطة أجهزة الموبايلات وأجهزة التابلت وأجهزة اللابتوب و أجهزة التليفزيون والبرامج المختلفة و حتى الأحذية أو منتجات تغذية الأطفال و الحقائب والشنط و منتجات الصحة والجمال ومستلزمات المكاتب.