مصر فيها إيه؟.. منصة تويتر تنتفض بعشق المحروسة: قلوبنا صافية

لم يختلف على عشق المحروسة المصريون، والذي يظهر جليًا بكل الطرق وفي كافة المواقف.

وللتعبير عن حبهم لمصر، دشن رواد موقع التواصل الاجتماعي للتدوينا الصغيرة "تويتر" هاشتاج "مصر فيها ايه".

وفي جولة سريعة ل "الفجر" داخل "تويتر" رصدنا أبرز ما جاء من تعليقات عبر الهاشتاج، ونوضحها في السطور التالية.

شعب بيعشق تراب الوطن
قالت إيمان: "شعب صابر بيعشق تراب الوطن و بيضحك رغم الهموم واثق فى الله"، وأضافت سارة: " فيها روح، فيها حركة ، فيها حد بيساعد حد، فيها بعد سلام عليكم ،"إتفضل الشاي" ، فيها خطبة الجمعه والشارع بعدها مليان، فيها مباراة الأهلي والزمالك والخناقات تبدي ، فيها الإحتفالات بعد ما نفوز ف مباراة، فيها تعب وشقى ، بس فيها القوة ع كده! ".

ناس طيبين
ومن جانبها قالت أميرة: "فيها ناس طيبين على خير زمان عايشين قلوبهم صافيه ومش شايلين في الحزن قبل الفرح متجمعين".

أبطالنا في سيناء
أما مروي فقالت: "أبطالنا في سينا ...طيرانا فوقينا....حاميين أراضينا.... قاهرين أعادينا...ابطال شقيانا...ووطن في دمانا ...العدو يخشانا...و الموت يهوانا ...رايحيين لشهادة ... لشهادة رايحيين ... ماتقولوا امين..".

ضحكات من القلب
أما سارة فقالت: "فيها ناس حلوة و ضحكات من القلب ، فيها اصحاب اغلى من القرايب، فيها ناس بتنحب و بتعرف تحب ،فيها ليل ما بيخلص و ايام كتير حلوة، فيها بلاقي حالي مبسوطة كاني منها و اكتر"، وتابع أحمد: "فيها كل الخير فيها اهلها الطيبن فيها الحضاره".