أنغام مساندة شيرين عبدالوهاب بعد اعتذارها: "كفاية كده".. و"مغردون": "انتي المحامي بتاعها؟"

حرصت المطربة أنغام، على دعم صديقتها المطربة شيرين عبد الوهاب، في ظلّ الأزمة التي تواجهها بعد اتّهامها بالإساءة إلى مصر، مطالبًة الجميع بالكف عن مهاجمتها قائلًة: "كفاية كده".
وكتبت عبر "تويتر": "شيرين عبد الوهاب بنت مصر إعتذرت وخلاص كفاية كده".
وتفاعل المغردون مع أنغام، بشنّ هجوم عليها فقال أحدهم: "انتي المحامي بتاعها؟، الجمهور اللي بيعمل فنان هو الوحيد اللي ليه الحق يتكلم وبس، اقفلي بوقك ترتاحي وتريحي"، وتابع آخر: "خلاص كفاية كده".. تهديد ولا إيه؟، وتابع ثالث: "امبارح هند صبري مع عمرو أديب قالت اتعلمت اقفل بوقي علشان محطش نفسي في موقف سخيف وكلامها كان عن إنها بتقول رأيها السياسي مش تقليل من بلدها لكن شيرين ع راسها ريشة وليها أنغام تشخط فينا".
يُذكر أن نقابة المهن الموسيقية أوقفت شيرين عبدالوهاب، عن الغناء لحين التحقيق معها بعد إساءتها لمصر بسخريتها من نهر النيل، خلال إحدى حفلاتها بمدينة الشارقة.
#شيرين_عبد_الوهاب بنت مصر إعتذرت وخلاص كفايه كده
— Angham (@Angham) 14 نوفمبر، 2017