مقاومت ايران محاصره اشغال سپاه پاسداران استان کرکوک را محکوم مي کند

موقاوەمەتي ئێراني دەستدرێژي وداگيرکردني سوپاي پاسداراني رژێمي ملاکان وميليشيا تاوانبارەکاني سەر بە ئەوان بۆ کەرکوك بە توندي سەرزنشت دەکات، ئەم کارە دەستدرێژکارانە لە کاتێکدا جێبەجێ دەکرێت کە پاسدار قاسم سلێماني سەرکردەي تاوانباري هێزي تيرۆريستي قودس، چەند رۆژێك لەمەوبەر لە سلێمانێ وبەغدا وناچەکاني ديکەي عێراق بووە وخەريکي پيلان ونەخشە داڕشتن بووە بەو ئاقارە.
کاري نامەردانەي سوپاي پاسداران وميليشياکاني مشەخۆري، بووە هۆي ئاوارەبوون ژمارەيەکي زۆري دانيشتوواني کەرکوك وناچارکردنيان بە بەجێهێشتن وچوونە دەروە لە شار.
راپۆرتەکاني هەواڵ ووێنە وفيلمي بڵاوکراوە باس لە ئامادەبووني هادي عامري وئەبو مهدي موهەنديس، دوو مشەخۆري هێزي قودس لە هەڵمەت لە دژي کەرکوك دەکەن. بەڵگەنامە وراپۆرتي نۆکەرايەتي ئەم دوو تيرۆريستە، لە دەيەکاني 70 کاندا لەولايەني موقاوەمەتي ئێرانييەوە خرايەڕوو.
ناوي ئەو دوو نۆکەرە لە ليستي 32000 کەس لە نۆکەراني عێراقي سەر بە سوپاي پاسداراني ئێران بەچاودەکەوێت کە لەگەڵ کۆد وئاستي مووچەي مانگانە وژمارەي حيسابي بانکييان لە ساڵي 2005، لەلايەن موقاوەمەتي ئێرانييەوە، خرايە بەردەم بەرپرساني نەتەوە يەکگرتووەکان وئەنداماني هەميشەيي ئەنجومەني ئاسايش وبەتايبەتي ئەمريکا و، لە کۆنفرانسێکي چاپەمەنيدا لە پاريس بە راي گشتيش راگێيندرا، لەو ليستەدا، ژمارەي ئەبو مهدي موهەنديس 3829770 وژمارەي هادي عامري 3829597.
موقاوەمەي ئێراني لەکاتێکدا هاودەردي وپاڵپشتي خۆي بۆ گەلي کوردستاني عێراق وبە تايبەتي بۆ خەڵکي ئازارکێش وئاوارەي کەرکوك، دەردەبڕێت، داوادەکات دانيشتنێکي دەست بەجێي نائاسايي ئەنجومەني ئاسايشي نێودەوڵەتي بۆ سەرزنشتکردن ورووبەڕووبوونەوەي ئەو دەستدرێژي وداگيرکردنەي رژێمي ملايان لە کوردستاني عێراق.
لە رۆژي 21 ميهر، دوا بە دواي راگەياندني ئيستراتيجي نوێي ئەمريکاي پەيوەست بە رژێمي ملايان وداناني سوپاي پاسداران لە ليستي تيرۆريستيدا، خانمي مريەم رەجەوي، سەرۆککۆماري هەڵبژێردراو لەلايەن موقاوەمەتي ئێرانەوە، جارێکي ديکە جەختي کرد لەسەر بڕيني دەستي رژێمي ملاکان لە ناوچەکە ودەرکردني سوپاي پاسداران وميليشيا مشەخۆرەکانيان لە عێراق وسوريا ويەمەن ولوبنان وئەفغانستان ورێگەگرتن لە ناردني هێز وچەکەمەني رژێم بۆ ئەو وڵاتانە.