من حقنا نحلم.. 6 رسائل من "السيسي" للمصريين في افتتاح مشروعات العاصمة الإدارية (فيديو)

ألقى الرئيس عبدالفتاح السيسي، كلمة خلال افتتاح المرحلة الأولى من مشروعات العاصمة الإدارية الجديدة، كشف فيه عن رؤية الدولة تجاه الإهتمام بالبنية التحتية للمحافظات، والمشروعات التي تعدها لذلك الشأن.
الإستفادة من مياة الصرف
في البداية، قال الرئيس عبد الفتاح السيسى، إن المساحات الخضراء التى يجرى تدشينها بالمدن الجديدة تأتي فى إطار حرص الدولة على الاستفادة من مياه الصرف الصحى بعد معاجلتها، وعدم هدرها فى أى مكان دون فائدة، متابعا: "إحنا بنستفيد من مياه الصرف الصحى وعاملين برنامج ضخم عشان نوصل لمليارات الأمتار من المياه لمعالجتها واستخدامها، ومن ضمن الاستخدامات المناطق الخضراء".
التخطيط يشمل المدن الجديدة
وأكد الرئيس السيسى، أن التخطيط المميز يشمل المدن الجديدة كلها، وليس العاصمة الإدارية فقط، مضيفا أن كل المدن الجديدة جيل جديد من المدن، تتحقق فيها كل المطالب بحجم أقل، ولكن المستوى واحد، قائلًا: "هو إحنا مش من حقنا نحلم ولا إيه.. مش من حقنا يكون عندنا 13 مدينة ولا إيه؟".
نبي دول حديثة.. وهتشوفوا
وأضاف "السيسي": إننا بدأنا أول خطوة لإنشاء دولة حديثة تتمتع بالاحترام النابع من العمل وحسن التخطيط، متابعًا: "إحنا بنبني دولة ذات شأن.. وهتشوفوا.. ما ننفذه حاليًا سيتوقف عنده التاريخ.. لقد توقفنا عن النمو العشوائي".
التخطيط لبناء مدن جديدة
وتابع: أن الحكومة تخطط مدنًا جديدة تليق بمصر وأهلها الذين يقطنون فى أماكن صعبة، قائلا: "إحنا بنعمل أماكن تليق بمصر وأهلها، وبنعمل أمر التاريخ هيقف أمامه كثيرا، ويشوف إحنا عملنا إيه لأهلنا، مش بس فى القاهرة ولكن فى المناطق المختلفة".
الهدف.. استدامة النمو
وأردف أن الهدف من العمل هو استدامة النمو، خاصة أن عدد سكان مصر تخطى 100 مليون مواطن، متابعا: "لو وقفت عن النمو فالنمو العشوائى هيسبق الدولة ويعمل مشاكل ضخمة فى البنية الأساسية الخاصة بالصرف والطرق ومياه الشرب والكهرباء".
رد على منتقدي العاصمة
وردًا على منتقدي تدشين العاصمة الجديدة، قال الرئيس عبدالفتاح السيسي إنه سعيد بأي انتقاد من شخص مُدرك وفاهم وعارف، مؤكدًا: "اللي ينصحني يبقى فاهم وعارف ارتباط الموضوع اللي بيتكلم بيه بالموضوعات الأخرى".
واستكمل: "الأولويات كل حاجة عندنا أولويات اللي عايز يعرف معندناش حاجة نأجلها، البلد بتنبض بالحياة ولازم أولوياتنا تنبض بالحياة.. معدلاتنا رغم كل المؤشرات اللي بتقول أننا متحركين بمعدل عالي جدا، بقولكم لا لسا بدري أوي إننا نقول حققنا، اللي إحنا فيه أول خطوة لبناء دولة حديثة تحترم نفسها وتُحترم من الدنيا كلها، احترام الناس ليك لا يتحقق بالعافية ولكن يتحقق بالتخطيط".