أحمد موسى معلنًا دعمه لمحمود الخطيب في انتخابات الأهلي: "المرعب"

عقب الإعلامي أحمد موسى، على الانتقادات التي وجهت له من قبل اللاعب السابق شادي محمد، بقناة الأهلي الرسمية والمهندس عدلي القيعي، بعد اتهامه مجلس إدارة النادي بالعمل لمصالحهم، وهجومه على اللائحة الداخلية قائلًا: "يبقى كلامنا صح.. انتم إيه اللي قالقكم... إحنا مش عايزين غير الشفافية.. ولا أنتم خايفين من الشفافية!.. وإحنا مجبناش سيرة محمود الخطيب... المهندس محمود طاهر مكلف ناس تشتم بس ليه! ليه المعارك وافتعال الأزمات".
وأكد "موسى"، خلال تقديمه برنامج "على مسئوليتي"، المذاع عبر فضائية "صدى البلد"، مساء الإثنين، أنه لا بد من الدفاع عن نادي الأهلي وليس أشخاص ولا بد من الحفاظ على اسم النادي، وكل ما نريده انتخابات شفافة للنادي، كما لابد من وجود لائحة لا تقصي أحد أو تجامل أحد، معلنا دعمه لقائمة محمود الخطيب.
وأكمل: "مينفعش نفضل لائحة.. وهفضل أتكلم لحد ده ما يحصل.. مفيش صالح سليم تاني، افتحوا الباب أمام الجميع لتشريح إلى رئاسة النادي الأهلي، والدنيا كلها تعرف مين الخطيب اللي بيرعبكم، ده كفاية البطولات التي حصل عليها للنادي، كفاية اسمه".