بعد ارتفاع أسعار تذكرة المترو.. ثورة غضب على "السوشيال ميديا".. ونشطاء: "هتبقي ب 20 جنيه بعد سنة"

عبر رواد مواقع التواصل الاجتماعي عن غضبهم بعد القرار الذي أصدره الدكتور هشام عرفات وزير النقل بزيادة سعر تذكرة المترو إلى جنيهين للتذكرة الكاملة، وجنيه ونصف للأنصاف، وجنيه لذوى الاحتياجات الخاصة، من جانبها رصدت "الفجر" أبرز ما تم تداوله في السطور التالية.
* التسعيرة بعدد المحطات
من جانبها، علقت "أمنية بدر" على قرار غلاء تذكرة المترو قائلة: "بالنسبة لغلاء سعر تذكرة المترو 2 جنيه شايفة أنه يتم تقنين الأسعار بمعنى أن يحدد سعر التذكرة على حسب عدد المحطات بدلاً من التسعيرة الثابتة".
* يا شعب غني
كما سخر "محمد موصلي" من قرر الدكتور هشام عرفات وزير النقل بزيادة سعر تذكرة المترو قائلا:"بداية من بكره سعر تذكره المترو اللي كانت بجنيه بقت ب 2 جنيه يا شعب غني".
* لو تبطلوا فساد ونهب
واعترضت "نوران شديد" على القرار قائلة: "قالك المترو بيخسر، ما أنتوا لو بطلتوا سرقة ونهب وفساد مش هيخسر".
* هنط من فوق المكن
كما طالب "أحمد حسين" هيئة مترو الأنفاق قائلا: "يا ريت يعملوا قعدة مكن المترو سوستة زي قواعد الخرسانة في المناطق اللي فيها زلازل علشان تستحمل النط والسند اللي هيحصل من فوقها بعد كده".
* "احنا اللي ندفع التمن"
وعبر "كامل حبيب" عن غضبه قائلا:" لما السواق بيقبض 11الف في الشهر وعشان مرتبه وحوافزه تزيد لازم احنا اللي ندفع التمن مش حد تاني".
* قاطع المترو
كما طالب "ميخائيل عادل" الشعب المصري بمقاطعة المترو قائلا:"قاطع المترو عشان ال 2جنية دلوقتي هتبقي 20 السنه الجاية".