تامر حسني يرد على صورته المتداولة على "الفيسبوك" أيام الكحرتة (صورة)

أعرب الفنان تامر حسني، عن فخره واعتزازة بالصورة التى تم تداولها له قبل الشهرة، ويظهر فيها بملابس يقلد فيها فنانين آخرين.

وعلق تامر حسني على تلك الصورة عبر صفحته الرسمية على موقع التواصل الاجتماعى "فيسبوك" قائلاً: "لمن يهمه الأمر .. من يومين نزلت صوره ليا وانا صغير وشغلت ناس كتير وفضلوا يتريقوا على الصوره في الحقيقه اني فالوقت ده فعلاً كنت بحاول اقلد المشاهير في صورهم وافلامهم وحراكاتهم وبغض النظر عن ان فالوقت ده كانت الموضات شبه كده وانا بقول شبه كده لأني كنت ولد صغير معندوش فلوس نهائي يشتري لنفسه حاجه غاليه ولا عنده اب يشتريله حاجه اصلاً".

وتابع: "اللي عايز اقوله اني من يوم الصوره دي وانا حالف اني اتصورها بجد وانا مشهور الصوره دي بتثبت لأي شاب ايجابي ان مفيش مستحيل واللي عايز يتريق على الولد اللي فالصوره هقوله يارب تنجح زيه انا فخور بالصوره دي وانهارده بقول للولد الصغير ده انت راجل عشان حلمت بحلم وحققته وبدأت من تحت الصفر ووصلت لحلمك بمجهودك وعرقك وكمان اشتغلت شغلانات كتير فيها شقى وتعب عشان تصرف على اهلك من وانت فالسن ده شكراً يا ولد يا صغير اصرارك عمل مني راجل انسان فنان اسمه تامر حسني" .

يذكر أن عدد كبير من نشطاء مواقع التواصل الاجتماعى تداولوا صورة لتامر حسني وسخروا فيها من ملابسه وقصة شعره وجسده النحيف.