متصلة: "أنا بعمل كل حاجة وحشة ومش عارفة أعمل ايه".. ونادية عمارة: "إلحقي نفسك"

قالت متصلة تُدعى أسماء من الجيزة: "أنا مش بصلي خالص، وباعمل كل حاجة وحشة، وبأكذب وساعات مش بصوم، وبأخرج من ورا زوجي ومن غير استشاراته، ومش عارفة اعمل ايه".
وعقبت الدكتورة نادية عمارة، الداعية الإسلامية، خلال تقديمها برنامج "قلوب عامرة"، عبر فضائية "الحياة 2"، اليوم الثلاثاء، قائلة: "فى رمضان تفتح أبواب الرحمة، لكل مستغفر تائب عائد لله، إلحقى نفسك عندك وقت للتوبة ممكن ييجي وقت ميكونش عندك وقت للتوبة، توبي توبة صادقة، وتوضأي وصلى، والتزمي بسنة رسول الله فى العبادات، واستغفري الله من كل ذنب، وقضاء الصلوات الفائتة مع الإكثار من الأعمال الصالحة، طول مانتي قاطعة صلتك مع الله لن تجدي خيرًا".