"الغيطي" منتقدًا الحكومة لتسريب امتحان الثانوية :"جلبتكم مخرومة وعايزين بامبرز"

سخر الإعلامي محمد الغيطي، من تواجد المهندس شريف إسماعيل، رئيس مجلس الوزراء، بغرفة عمليات التربية والتعليم، قائلًا: "هذا لم يحدث في اى دولة في العالم، رئيس الحكومة بيمتحن ثانوية عامة، زغرطي ياللى مانتش غرمانة".
وأضاف "الغيطي"، خلال تقديمه برنامج "الخيمة" عبر فضائية "ltc"، "رئيس الوزراء ساب كل الملفات أصحاب المعاشات، والبطالة والإدمان، وارتفاع الاسعار والادوية، وكل حاجة ورايح يمتحن ثانوية عامة، رئيس الوزراء اللى قاعد فى مكان عظماء، رايح يمتحن ثانوية عامة، مش واثق فى الوزير اللى انت جبته، سايبه ليه؟، شوية عيال بيتحدوكم على النت، أنتو حكومة عايزة بامبرز، او حاجة ضد التسريب، جلبتكم مخرومة عايزين سباك".