عمرو عبدالجليل يكشف سبب حذفه مشهد الأسد.. ويؤكد: اتشاهدت بسببه

كشف الفنان عمرو عبدالجليل، أنه رفض تقديم مشهد الاسد، والذى يمر من أعلاه، خلال "فص ملح وداخ"، لكنه وافق بعد ذلك، بسبب إقناع منتج العمل له، حيث قال: "المنتج قالى متخافش ومتقلقش، فقولت له طيب اعمل المشهد دة انت الاول، وفوجئت إن عمله فعلا، وخوفت يقول عليه جبان، وقررت أعمل المشهد".
واضاف خلال لقائه فى برنامج "معكم" مع الإعلامية منى الشاذلى على قناة Cbc قائلا: بعد كدة المشهد اتحذف من الفيلم، وذلك بعدما إتفقنا على حذفة، لان فى فيلم آخر، راحوا بعدنا بشهر لسيرك الحلو وعملوا نفس المشهد، فقولت مش معقول يبقى نفس المشهد فى فيلمين رغم إننا اللى صورنا الاول، لكن مكنتش اعرف ان فيلمى اللى هينزل الاول.
وتابع قائلا: احساسى أثناء مرور الاسد من فوقى، كان لا اله الا الله محمد رسول الله مفيش غيرها، معرفش الاسد كان بيفكر فى اية او ممكن يعمل اية، ولو ابنى موجود كنت هرفض اعمل المشهد ده.