أحمد آدم ل"عصام حجى": "أمشى فى جامعة الدول وهنوريك التحرش على أصوله"

أنتقد الفنان أحمد آدم، حديث الدكتور عصام حجى، عن التحرش فى مصر قائلا: " حجى بيقول مصر فيها تحرش والبنات مش بتعرف تروح مدارسها، هو شخص بيبربش كدة، العيال دى ملبوسة، ماشى يا عصام احنا بلد التحرش امشى فى شارع جامعة الدول وهنوريك التحرش على اصوله".
وأضاف خلال برنامج "بنى آدم شو" على قناة "الحياة" قائلا: "حجى قال الكلام ده إفتكر إنه إتحذف من المناهج الدراسية فى مصر، ولما عرف انه لم يحذف إعتذر من خلال صفحته على الفيس بوك، ورجع فى كلامه".
وتابع قائلا: "اللى بيتكلم عن البلد من برة يبقى خاين، انا عايز اعرف مين المسئول اللى وضع إسم زى عصام حجى سرجى مرجى فى المنهج، مين دة، اخترع اية دة اهطل ورحمة امى اهطل وتحسه اتكهرب من صغرة هو هيعملنا ادسون اخترع اللمبة والكهرباء، سابين سمير نجيب عالم وطنى حقيقى ولما حب يرجع مصر فى 67 عشان يقف جنب بلدة إتقتل، وغيره من العلماء الحقيقين مثل سميرة موسى، مصطفى مشرفة انشتين العرب".