لأول مرة.. هشام عبد الله يكشف كواليس خروجه من مصر وأسباب وجوده بتركيا

كشف الفنان هشام عبد الله، المسافر إلى تركيا على ما أثير مؤخرًا حول هروبة من مصر، لتقديم برنامج "أبن البلد" على قناة "وطن" المعارضة للنظام الحاكم في مصر والتي تبث برامجها من "تركيا".
وقال الفنان هشام عبد الله، فى أولى حلقات البرنامج،: "أنا سافرت تركيا ومهربتش من مصر ههرب ليه، لا على رأسى بطحة ولا عليا اتهام ولا زوجتى عليها أى اتهام ولا فى أى حاجة من اللى عملوا عليها حاجات وبعمل بنصيحة أمى الله يرحمها "أمشى عدل يحتار عدوك فيك" وأنا الحمد لله مليش أعداء لكن بحترم نفسى وبحترم الأخرين وبحب أمشى عدل".

وأضاف الفنان هشام عبد الله،: "خرجت من مصر وبحترم القوانين وذهبت لمجمع التحرير وخدت تصريح أمنى لزوجتى الناشطة السياسية غادة محمد نجيب، والتصريح الأمنى ده أعتقد أن الجهات الأمنية هى اللى بتخرجه وهى اللى عارفة أنى مدان أو زوجتى مدانة أم لا؛ لأن أقل من 45 سنة لازم يطلع له تصريح، وذهبت مطار القاهرة ودخلت على ظابط الأمن اللى بيدى ختم المغادرة ومنحنى ختم المغادرة أنا وزجتى وأولادى والغلط اللى حصل جاء من إعلام موجه".
وكشف عن أسباب سفرة قائلا: "جئت تركيا، علشان أتكلم براحتي واتكلم بحرية مع أهلى وناسي وأعبر عنهم علشان انتقد اللى مش عاجبنى فى بلدى مش انتقد بلدى انتقد اللى مش عاجبنى اللى بيدروا البلد واللى هيضر بمصلحة مصر، وانتقد أى حاجة مش عجبانى ومش عاجبة الشعب المصرى هى ضرر لمصر مش مهم نعارض من فين المهم نتكلم فى مصلحة بلدنا، مجتشى علشان انضم لفصيل سياسى، انا طول عمرى لا أنتمى لأى تيار سياسى، انا لا أنتى غير لمصر وشعبها".