«القرموطي» منفعلاً على مجلس الوزراء: «إنتم في دولة مش كشك»

شن الإعلامي جابر القرموطي، هجومًا حادًا على المتحدث باسم مجلس الوزراء حسام القاويش بسبب عدم رده على الإعلام والاعلاميين قائلاً: "أنتم في دولة مش في كشك، وأنا لما بتصل بمجلس الوزراء على سن ورمح مش عارف أطلع بمعلومة".
وأضاف "القرموطي"، خلال تقديمه برنامج "مانشيت"، المذاع على فضائية "أون تي في لايف"، اليوم الأحد: "ياعم معندكش معلومة قول معنديش معلومة، إنما متردش على برنامجي وعليا اعتبروا برنامجي خازوق، ولا نطلع علي قناة الجزيرة"، متابعا: "متسبوناش كده، ولو انت مش قادر على منصبك اتوكل على الله مش هنطبطب عليكم زي زمان".
وتابع: "لو رئاسة الوزراء مش عارفة تدير خبر عن المستشار أحمد الزند وحقيقة استقالته يبقى يمشي هو كمان، انتم بتعاقبونا على اننا بنجري وراكم علشان ناخد معلومة عن خبر زي ده؟؟ هو انتم قاعدين بتعملوا ايه في مناصبكم".

واستطرد: "اخرجوا بره الصندوق بقا وكفاية تعليمات بقا اللي بتاخدوها دي الناس زهقت".