بالفيديو.. «شردي» ل رئيس الزمالك: «كفاية كدا يا سيادة المستشار»

شن الإعلامي مصطفى شردي، هجومًا حادًا على المستشار مرتضى منصور، رئيس نادي الزمالك بسبب أزمته الأخيرة مع الإعلامي عمرو أديب قائلاً: "البرلمان وصل لمرحلة صعبة جدا وكفاية كدا ياسيادة المستشار".
وأضاف "شردي"، خلال تقديمه برنامج "يوم بيوم"، المذاع على فضائية "النهار اليوم"، الثلاثاء: "إحنا نسيب كل المشاكل ونتكلم في قضية خلاف مرتضي منصور وعمرو أديب ووصلنا لمرحلة من التراشق.. وانا بنصح المستشار مرتضي منصور واللي بيحبه ينصحه ويكلمه لأن المسائلة زادت اوي وهناك الفاظ بتستخدمها في احاديثك مش عاجبة المجتمع المصري، وهو انت ليه بتجيب سيرة الام في أي خلافات مع اي حد وامهاتنا كلهن محترمات".
وتابع: "يا مرتضى منصور انا عارف انك هتطلع بعد كلامي وتقولي شردي اصله وفصله وامه وابوه وانا بقولك اهو انا معروف هو انا مين وانا مليش في هنا ولا هنا ولا هتقدر تقول امه ولا ابوه وانت تعلم كويس محمد شردي ياسيادة المستشار.. وانا حديثه ده عبارة عن وقفة للكلام ده ولازم نقوله كفاية كده".