أول رسالة مباشرة من باسم يوسف للرئيس السيسي: مش تبقى تيجى؟

وجه الدكتور باسم يوسف، أول رسالة مباشرة للرئيس عبدالفتاح السيسي، عن طريق صفحته الرسمية عبر موقع التواصل الإجتماعى "فيسبوك" علق خلالها على أزمة أمناء الشرطة وبعض الأحداث التى شهدتها مصر في الفترة الأخيرة.
وتضمنت الرسالة عدة نقاط حيث قال "سيادة الرئيس عبد الفتاح السيسي: أصل حاجة من الأتنين: يا أما أنت مسؤول مسؤولية كاملة عن اللي بيحصل في البلد من بلطجة أمناء الشرطة لحبس كمية الناس المظلومين من ناس مالهاش ضهر لشباب مالهمش ذنب لكتاب وصحفيين مش المفروض يبقوا في السجن، لاقتصاد بايظ بسبب قرارات غبية قلنا قبل كده انها غبيه لناس بتطلع تهفلط واسمهم لواءات لسياحة بايظة مرة علشان طيارة بتقع ومرة عشان سلاح طيرانك بيطلع يضرب سياح في الصحرا للبوليس بتاعك بيقبض ويعذب ويقتل أجانب زى ما بيعذب المصريين في الأقسام لجهاز إعلامي موجه قذر لخمسين حاجة تانية بتعبر عن الفشل والغباء والغشومية".
وأضاف: "المهم يا سيات الرئيس نرجع لموضوعنا: يا اما انت مسؤول عن كل دة مسؤولية كاملة يبقى انت كده صاحبى وحبيبى وكفاءه وعرفنا المسؤول مين، يا اما انت مش مسؤول خالص وانت زيك زيينا بتتفرج ومش فاهم حاجة ومالكش لازمة زيينا بالظبط وفى الحالة دى اهلا بيك فى صفوف الجماهير، تعالى بقى، ماتيجى، مش تبقى تيجى؟".