أكدت الفنانة وفاء صادق، أنها تعيش أجواء التصوير فى الحقيقة، وأن مشهد فرح "سنية" بمسلسل "لن أعيش فى جلباب أبى" كان حقيقى. وأضافت "صادق" خلال استضافتها ببرنامج "عسل أبيض" قائلة: "فى مسلسل لن اعيش فى جلباب ابى كان فى مشهد فرح سنية المفروض انه فرح بلدى جدا جهزنا محشى الكرنب، وجهزنا الأكل والمفروض إن البنات بتلبس لفرح أختهم اليوم ده كنا بنتسابق مين يبقى بلدى اوى والكاركتر يطلع صح جدا". وتابعت كلامها قائلة: "وعندى صور مصورها الأستاذ نور الشريف الله يرحمه برة التصوير خالص مصورهالنا لإنه كان عايزنا نعرف اشكالنا ويقولنا انتم بتعملوا إيه، وكل اللى على الشاشة كنا عايشينه فى الحقيقة وبجد كنا بناكل بجد، وفعلا كنا اخوات ووصلنا لمرحلة انى انا وحنان ومنال كنا اخوات وكنا خايفين اوى على منال لانها كانت حامل فى اول بيبى ليها".